Pogba largohet nga grupi i WhatsAppit me bashkëlojtarët te United – dy gjigantët evropianë synojnë transferimin e tij

Paul Pogba, sipas The Mirror, ka marrë oferta për kontratë nga Paris Saint-Germain dhe Real Madrid ndërsa përgatitet të largohet nga Manchester United.

Francezi, fitues i Kupës së Botës do të bëhet lojtar i lirë në verë dhe, pasi pësoi një lëndim të parakohshëm, thuhet se është në proces të ndërprerjes së lidhjeve me të gjithë në Old Trafford.

Pogba po synon që të largohet sa më parë nga Djajtë e Kuq, ndërsa Los Blancos e parisienët po synojnë t’i marrin shërbimet e tij.

Lexo po ashtu PSG mund të duket edhe më i frikshëm në sezonin e ri - piketon katër top lojtarë

Mirror bën të ditur se mesfushori është larguar nga grupi i WhatAppit me bashkëlojtarët dhe nuk dëshiron të ketë më asnjë kontakt më të vogël.

Pogba ka kohë që ka paralajmëruar dëshirën e tij për largim, sidomos në krizën e rezultateve që po përjeton Unitedi.

Lexo po ashtu Tetë lojtarët më të mirë të lirë që janë të disponueshëm këtë verë - nga Dybala, te Dembele

Skuadra nuk po arrin të futet në Ligën e Kampionëve për sezonin e ri, andaj largimi i tij është ndihmuar edhe nga kjo rrethanë.

PSG thuhet se është favorite për transferimin e tij, madje është e gatshëm që t’i ofrojë edhe më shumë të holla se sa merr te United. /Telegrafi/