Po stërvitej që të hidhte granatën e dorës, kadeti kinez bën gabimin që ka mundur t’i kushtojë me jetë – e shpëton instruktori

Po stërvitej që të hidhte granatën e dorës, kadeti kinez bën gabimin që ka mundur t’i kushtojë me jetë – e shpëton instruktori

Një instruktor dhe një ushtar kanë mashtruar vdekjen. Në fakt ushtari kinez po ushtronte se si duhet hedhur granata e dorës, e derisa e bëri një gjë të tillë gaboi rëndë në një moment – në vend se ta hedh përtej murit mbrojtës që ishte i mbushur me rërë, ai e gjuajti para këmbëve të tij dhe instruktorit.

Por, ishte përvoja e madhe e instruktorit që ua shpëtoi kokën dyshes, i cili menjëherë e tërhoqi pas dhe pa u menduar dy herë kërcyen në istikamin e hapur për çështje sigurie, transmeton Telegrafi.

Ushtari së bashku me kolegë tjerë ishte pjesë e trajnimit të organizuar nga Universiteti i Aviacionit Ushtarak, ku ndër ushtrimet e parapara ishte edhe hedhja e granatës së dorës.

Pamjet janë publikuar pikërisht nga ushtria kineze, ku shihet se si ushtari i pa përvojë në vend se ta hedh granatën matën murit mbrojtës, ai e gjuan pak metra larg vetes. E po të mos ishte instruktori, ai zor sot se do të ishte gjallë.

Publikimi i pamjeve ka për qëllim të rrit vetëdijen dhe t’ua bëjë të qartë të gjithë kadetëve se duhet të jenë të fokusuar gjatë stërvitjeve ushtarake, sepse shpërqendrimi më i vogël mund t’ju kushtojë me jetë. /Telegrafi/