Sezoni i dasmave është në kulmin e tij dhe, nëse ende jeni në kërkim të një fustani që duket elegant, i veçantë dhe paksa si i dalë nga një film, kemi një propozim që ia vlen ta shihni
Që në shikim të parë kuptohet pse është kaq e vështirë t'i rezistosh. Korseti i strukturuar dhe i qepur në mënyrë dekorative thekson në mënyrë perfekte siluetën, ndërsa palosjet skulpturore që e rrethojnë i japin modelit një dozë glamuri. Megjithatë, protagonistja e vërtetë është fundi i pasur, me disa shtresa, i cili lëviz në mënyrë elegante në çdo hap.
Ajo që na pëlqen veçanërisht është fakti se ky fustan arrin të jetë njëkohësisht romantik dhe modern. Nuk është fustani klasik i mbrëmjes që e shohim në çdo dasmë të dytë, por një model që tërheq vëmendjen dhe, megjithatë, ruan elegancën dhe finesën.
Pikërisht për këtë arsye, mund ta imagjinojmë lehtësisht si zgjedhje për të ftuarat në dasma luksoze pranë detit apo në ceremonitë elegante në qytet. Është po aq i përshtatshëm edhe nëse jeni dëshmitare e nuses, sepse nuk duket i ekzagjeruar, por padyshim që lë përshtypje, transmeton Telegrafi.
Pjesa më e mirë?
Pothuajse nuk ka nevojë për shumë aksesorë. Mjaftojnë sandale të thjeshta me rripa të hollë, bizhuteri në ngjyrë ari ose me perla dhe një çantë e vogël. Fustani bën gjithë punën.
Nëse na pyesni, ky është një nga modelet më të bukura për sezonin e dasmave verore që kemi parë deri tani. Romantik, femëror dhe me shumë efekt, është pikërisht ai lloj fustani që do ta nxirrni nga gardëroba sa herë të dëshironi të dukeni të veçanta.
/Telegrafi/
