Plenkoviq: Kroacia do ta ndihmojë Kosovën në çështjen e liberalizimit të vizave

Kryeministri i Kroacisë, Andrej Plenkoviq po qëndron në një vizitë zyrtare në Kosovë.

Pas takimit me kryeministrin Albin Kurti, ai ka thënë se shteti kroat do ta ndihmojë Kosovën në rrugën drejt integrimeve evropiane dhe në çështjen e liberalizimit të vizave.

“Po punojmë që ta ndihmojmë Kosovën në rrugën evropiane, po ashtu do ta ndihmojë me liberalizimin e vizave. Tashmë e dini që Kroacia është anëtarja më e re në BE, dhe se do t’u ndihmojë sa i përket reformave. Kroacia do ta përkrah dialogun për stabilitet në rajon. Po ashtu, ne jemi të interesuar të ketë marrëdhënie të mira me Kosovën dhe të përmirësojë marrëdhëniet me Serbinë”, tha Plenkoviq, gjatë një konference për medie.

Hrvatska je bila jedna od prvih zemalja koja je priznala Kosovo! S @albinkurti gradimo kvalitetne odnose te želimo pomoći 🇽🇰 na putu prema 🇪🇺 i daljnjoj međunarodnoj afirmaciji. Zajedno s predstavnicima 🇭🇷 tvrtki razgovaramo o jačanju gospodarske suradnje i ulaganjima. pic.twitter.com/vZtz5ib9AA

— Andrej Plenković (@AndrejPlenkovic) November 15, 2021

Ndërsa, Kurti ka shtuar se e vlerëson shumë mbështetjen që merr Kosova nga Kroacia në rrugën e saj drejt shtet-ndërtimit.

Lexo po ashtu Kurti: Kroacia është model i shkëlqyer që duhet ndjekim për anëtarësimin tonë në NATO dhe BE

“Vizita e sotme ri konfirmon afërsinë dhe marrëdhëniet e mira mes dy shteteve tona, pasi kemi të kaluar të përbashkët. Jemi mirënjohës për bashkëpunimin e shkëlqyeshëm dhe mbështetjen e vazhdueshme që Kroacia i jep Kosovës”, ka thënë Kurti.

Ai në fund ka thënë se kanë biseduar për raportet miqësore dhe mënyrat sesi mund t’i intensifikojnë ato. /Telegrafi/