LAJMI I FUNDIT:

Plani i Qeverisë për çështjen e të pagjeturve, gërmimet në pesë lokacione në Kosovë, në Rashkë dhe qasja në arkivat e Serbisë

Plani i Qeverisë për çështjen e të pagjeturve, gërmimet në pesë lokacione në Kosovë, në Rashkë dhe qasja në arkivat e Serbisë

Qeveria e Kosovës tashmë ka miratuar planin 16-pikësh për zbatimin e marrëveshjes së Washingtonit të nënshkruar më 4 shtator, të cilat kanë të bëjnë me normalizimin ekonomik ndërmjet Kosovës dhe Serbisë. Në kuadër të planit 16 pikësh është edhe çështja e personave të zhdukur.

Pika ku flitet për çështjen e personave të pagjetur thotë se “Të dy palët zotohen të shpejtojnë përpjekjet për të gjetur dhe identifikuar mbetjet e personave të zhdukur”.

Ndër pikat kryesore për çështjen e personave të pagjetur në kuadër Planit të Qeverisë për Zbatimin e Marrëveshjeve të Washingtonit janë gërmimi vlerësues në pesë lokacione të Republikës së Kosovës, kërkesa për gërmim në rajonin e Rashkës dhe kërkesa për qasje në arkivat e Serbisë.

Veprimet që parashihen të ndërmerren për zgjidhjen e rasteve të të pagjeturve:

Deri në fund të vitit do të vazhdohet puna, në kuptimin e gërmimit vlerësues edhe në disa lokacione tanimë të shënjuara brenda territorit të Republikës së Kosovës (diku deri në 5 lokacione, si në Mitrovicë, Pejë, Bishtazhin, Podujevë, Rahovec, megjithatë plani i lokacioneve mund të ndryshojë varësisht nga zhvillimet në rastet e caktuara).

Shqyrtimi i kërkesave nga pala serbe për disa lokacione brenda territorit të Republikës së Kosovës, të cilat janë trajtuar vite më parë nga organizatat/misionet ndërkombëtare.

Shqyrtimi i lokacioneve sipas informatave të siguruara nga arkivat ndërkombëtare përmes Komitetit Ndërkombëtar të Kryqit të Kuq.

Kërkesa për palën serbe për inicimin e gërmimit për një numër lokacionesh, kryesisht në regjionin e Rashkës, si dhe lokacionet të cilat janë hapur në vitet e para të pasluftës.

Kërkesa për qasje në informacion në arkivat e Serbisë, në veçanti në arkivat e ish-Ushtrisë Jugosllave.

Të mbështetet lansimi publik i Bazës së të Dhënave të Personave të Zhdukur Aktivë të lehtësuar nga Komiteti Ndërkombëtar për Personat e Zhdukur (ICMP) nga konfliktet e armatosura në territorin e ish-Jugosllavisë.

Të ndërmerren veprime për zgjidhjen e rasteve të paidentifikuara (NN – nomen nescio) në morgun e Prishtinës.

Sigurimi i burimeve të nevojshme për të vazhduar procesin e futjes së të dhënave (baza e të dhënave Ante Mortem / Post Mortem). Mungesa e progresit për këtë çështje e pengon qeverinë të marrë përgjegjësinë e saj për të krijuar, mirëmbajtur dhe menaxhuar listën e personave të zhdukur, në përputhje me Ligjin për Personat e Zhdukur.

Pjesëmarrja e plotë e Komisionit Qeveritar të Kosovës në Grupin e Personave të Zhdukur, i cili përbëhet nga autoritetet kombëtare përgjegjëse për personat e zhdukur nga Kroacia, Bosnja dhe Hercegovina, Mali i Zi, Kosova dhe Serbia.

Të caktohet një hetues / studiues i specializuar i PK-së për çdo rast të iniciuar nga Instituti i Mjekësisë Ligjore.

Të ngriten kapacitetet për Analizimin e ADN-së në kuadër të Agjencisë së Forenzikës së Kosovës përmes blerjes së pajisjeve teknike dhe trajnimeve shtesë dhe sigurimi i qasjes së agjencive të tjera në bazën e të dhënave të ADN-së. /Telegrafi/

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori