Ylli botëror i muzikës, Bebe Rexha, ndodhet në Shqipëri pas tërmeteve tragjike që morën dhjetëra jetë dhe kanë lënë qindra të lënduar.
Me rastin e arritjes në aeroportin e Rinasit, 30-vjeçarja ka dhënë një intervistë lidhur me udhëtimin e saj në vendin amë dhe për planet e të ardhmes.
Gjatë një prononcimi për Telegrafin, ajo ka shprehur keqardhje që është dashur të vijë në një situatë të tillë dhe jo për një koncert.
"Unë kam lindur në qytetin e New Yorkut, por zemra ime pompon gjak shqiptari, prandaj çfarë do të që ndodhë, unë gjithmonë do të vij për t'i mbështetur", ka deklaruar këngëtarja.
Gazetari i Telegrafit e ka pyetur Beben lidhur me planet për ta vizituar Kosovën në të ardhmen, ndërsa ajo është përgjigjur: "Shpresoj. Do të doja shumë...", teksa ka theksuar se kurdo që të gjejë kohë me shumë dëshirë do t'i vizitonte trojet shqiptare. /Telegrafi/
