Pjesa e parë spektakolare: Argjentina shkon në pushimin mes pjesëve me epërsi komode ndaj Francës

Ka përfunduar pjesa e parë e finales së Kampionatit Botëror në mes të Argjentinës dhe Francës, me rezultat 2-0.

Argjentinasit e nisën më mirë ndeshjen, duke mbajtur nën presion kampionin në fuqi.

Ishte minuta e 21-të e takimit, kur Ousmane Dembele e rrëzoi një lojtar argjentinas brenda zonës së rreptësisë.

https://twitter.com/BidyutBiswasLTI/status/1604497968606121984?ref_src=twsrc%5Etfw%7Ctwcamp%5Etweetembed%7Ctwterm%5E1604497968606121984%7Ctwgr%5E4d5fb59eaa8c37c810aeb5a3957eec143fd54e56%7Ctwcon%5Es1_&ref_url=https%3A%2F%2Ftelegrafi.com%2Flionel-messi-shenon-golin-e-pare-te-finales-argjentine-france%2F

Edhe pse ishte një rrëzim i lehtë brenda zonës, gjyqtari Szymon Marciniak e mbajti atë qëndrim.

Nga pika e bardhë, Lionel Messi shënoi në minutën e 24-të, duke i dhënë Argjentinës epërsinë.

Pasi 35-vjeçari shënoi nga penalltia në minutën e 24-të, argjentinasit vazhduan me paraqitje brilante.

https://twitter.com/2022_QatarWC/status/1604500844325801985?ref_src=twsrc%5Etfw%7Ctwcamp%5Etweetembed%7Ctwterm%5E1604500844325801985%7Ctwgr%5E919c1adaa9d8e1ec9c73becf0ffac1eb99415918%7Ctwcon%5Es1_&ref_url=https%3A%2F%2Ftelegrafi.com%2Fdi-maria-mjeshterisht-parabollon-llorisin-per-golin-e-dyte-te-argjentines%2F

Ky mund iu shpërblye, pasi shënuan edhe golin e dytë.

Ishte Alexis Mac Allister që e gjeti në mënyrë perfekte Angel di Marian, që realizoi për 2-0 në minutën e 36-të.

Franca më pas tentoi të kthehej në lojë, duke larguar nga loja Olivier Giroud dhe Ousmane Dembele në minutën e 41-të, duke futur Kolo Muanin dhe Marcus Thuram në vend të tyre, derisa ishin shtatë minuta lojë shtesë – por pa ndonjë ndryshim në rezultat nga Les Blues.

Në 45 minutat e dytë, Gjelat do të tentojnë të ngushtojnë epërsinë e argjentinasve, ndërsa këta të fundit do të synojnë thellimin e rezultatit. /Telegrafi/