Pesë ekipe futbolli në mbarë botën që janë “të mallkuara”

Të gjithë e dimë ndjesinë. Pas ndonjë humbjeje veçanërisht të padrejtë, duket sikur ekipet tona janë mallkuar.

Vetëm forcat e mbinatyrshme mund të krijojnë fat kaq të keq, i themi vetes. Dhe me të vërtetë, çdo klub ka përjetuar pjesën e fatit të keq.

Por, çfarë ndodh me klubet që thjesht nuk mund t’i shpëtojnë ndjenjës se po i bëhet keq nga bota vazhdimisht? Duket se disa ekipe thjesht nuk mund t’i mposhtin mallkimet e tyre pasi të jenë bërë të njohura.

Mirëpo, cilat janë ekipet që aktualisht cilësohen si të mallkuara, derisa lista është e përpiluar nga Squawka:

1) Tottenham

Spurs nuk e kanë fituar titullin e Ligës Premier që nga viti 1961. Ky mallkim ishte afër të thyhej në sezonin 2015/16, por Leicester City tërhoqi një nga mrekullitë më të mëdha në historinë e lojës.

Skuadra e re e Mauricio Pochettino u shkatërrua nën presionin e garës për titull shtatë vjet më parë, por vështirë se do të kishte pasur ndonjë presion nëse Leicester nuk do të kishte bërë disi histori.

Për t’i bërë gjërat edhe më keq, Spurs dështuan në garën për titull në një barazim 2-2 me Chelsean, duke humbur dy ndeshjet e tyre të fundit dhe duke rrëshqitur poshtë rivalit lokal – Arsenalit, i cili kishte rënë nga gara për titull disa javë përpara Tottenhamit.

Gjërat nuk kanë ndryshuar dhe kanë mbetur të njëjta që atëherë. Spurs dukej se do të bënin histori në edicionin 2018/19 në Ligën e Kampionëve, kur arritën në finale, por ata dështuan ndaj Liverpoolit.

Londinezët nuk kanë fituar asnjë trofe që nga suksesi i Kupës së Ligës në vitin 2008, dhe për sa kohë që trofetë vazhdojnë t’u shmangen atyre, tifozët do të ndihen sikur një mallkim është vënë mbi klubin, veçanërisht këtë sezon pasi humbën nga Milani dhe Sheffield United brenda një jave u eliminua nga dy kompeticionet e tyre të fundit për 2022/23.

2) Benfica

Midis 1959 dhe 1962, Bela Guttmann drejtori Benfican për të fituar dy tituj portugez të ligës së parë dhe dy Kupa Evropiane. Kuptohet, ish-futbollisti hungarez besonte se ai ishte i denjë për një rritje page, por klubi e hodhi poshtë kërkesën e tij.

Si kundërpërgjigje, Guttmann e mallkoi klubin: “Jo në njëqind vjet nga tani Benfica nuk do të jetë kurrë kampione evropiane”. Në përputhje me fjalën e tij, Benfica nuk e ka fituar kompeticionin që atëherë.

Që nga viti 1962, Benfica ka arritur tetë finale evropiane: pesë në Kupën Evropiane dhe tre në Kupën UEFA/Ligën e Evropës. Ata i kanë humbur të tetat, më së fundi humbën me penallti nga Sevilla në finalen e Ligës së Evropës në sezonin 2013/14. Një vit më parë, ata kishin humbur me një gol në minutën e fundit të Chelseat në të njëjtin kompeticion.

Tifozët do të jenë të kënaqur që klubi ka vazhduar të dominojë më së shumti skenën vendase. Ata kanë fituar 37 tituj rekord të Superligës së Portugalisë, duke përfshirë katër radhazi dekadën e kaluar. Por, ata tifozë do të luten që mallkimi evropian të hiqet së shpejti.

3) Bayer Leverkusen

Në 2001/02, Bayer Leverkusen përfundoi si nënkampion në Bundesligë, Kupën e Gjermanisë dhe Ligën e Kampionëve, duke fituar pseudonimin ‘Neverkusen’.

Nuk është shumë më e pafat sesa të dalësh e dyta në tre kompeticione të veçanta në të njëjtin sezon, por kjo është ajo që ndodhi me Leverkusen. Për t’i bërë gjërat edhe më keq, ata ishin nënkampionët e Bundesligës tre vjet radhazi midis 1999 dhe 2002.

Së fundmi ata dolën të dytët në sezonin 2010/11 të Bundesligës. Dy vjet më parë, ata u mundën në finalen e Kupës së Gjermanisë.

Leverkusen nuk e ka fituar kurrë Bundesligën, pavarësisht përpjekjeve të tyre më të mira, dhe fati i tyre i keq shtrihet në kombëtaren gjermane. Në humbjen në finalen e Kupës së Botës 2002 ndaj Brazilit, ekipi i Gjermanisë përmbante pesë lojtarë të Leverkusenit. Tani ky është një mallkim.

4) Paris Saint-Germain

Që nga injektimi i parave në klub, Paris Saint-Germain ka dominuar futbollin francez, duke fituar titullin e Ligue 1 në tetë nga 10 vitet e fundit. Megjithatë, lavdia evropiane u ka shpëtuar atyre në një shkallë frustruese.

Pra, si u përpoq PSG të adresonte mungesën e përparimit të tyre në Ligën e Kampionëve? Ata destabilizuan plotësisht tregun evropian të transferimeve duke paguar 222 milionë euro për të nënshkruar Neymarin nga Barcelona në një marrëveshje që tronditi botën e futbollit. Si ka funksionuar kjo për ta? Epo, ai ka vazhduar të lëndohet saktësisht në të njëjtën fazë të garës që ata janë më të dëshpëruar për të fituar (1/8 e finales) me pak a shumë saktësisht të njëjtin lëndim (një frakturë metatarsal).

Pas fitores 2-0 kundër Manchester United në Old Trafford në ndeshjen e parë të raundit të së tetës së Ligës së Kampionëve, kalimi në çerekfinale dukej të ishte një formalitet. Por, skuadra e Thomas Tuchel pësoi një humbje të turpshme 3-1 në shtëpi dhe u eliminua në golat jashtë fushe, me një vendim të vonuar dhe të diskutueshëm të VAR kundër tyre.

Ata arritën në finale në vitin 2020, dhe Neymar arriti të qëndronte në formë, por Bayern Munich ishte thjesht në një nivel tjetër me çdo klub në kompeticion dhe fitoi titullin e gjashtë, ndërsa problemet e parisienëve tashmë kanë filluar të shfaqen përsëri këtë sezon, duke humbur sërish nga bavarezët në fazën të tetës, pa një Neymar të lënduar.

5) Kombëtarja e Meksikës

Mendojeni  Meksikën si Arsenalin e futbollit ndërkombëtar. Ata i qasen çdo Botërori me një përzierje emocionesh. Por çdo vit, është e njëjta histori e vjetër, sepse çdo vit – para vitit 2022 – ata ishin eliminuar në raundin e të tetës së finales.

Në të vërtetë, Meksika u eliminua në 1/8-ën në shtatë Kampionatet Botërore radhazi midis 1994 dhe 2018, kur humbi ndaj Bullgarisë në penallti. Brazili i kaloi ata në vitin 2018, pavarësisht paraqitjeve mbresëlënëse të meksikanëve në fazën e grupeve, ndërsa Katari ishte një fatkeqësi e pazbutur pasi ata nuk arritën të dilnin nga grupet.

Është një lloj dukuri e përsëritur që mund të ketë vetëm një efekt negativ në psikologjinë e ekipit, duke gjeneruar nerva sa herë që përfundon faza e grupeve. /Telegrafi/