Përzgjedhësi Bunjaku zbulon bisedën e fundit me Besart Berishën, tregon edhe alternativat e shumta në sulm

Përzgjedhësi i Kosovës, Albert Bunjaku, ka folur për zhvillimet e fundit rreth sulmuesit Besart Berisha.

Ai ka treguar se nuk ka dijeni për fjalët e fundit, ndërsa ka treguar se çfarë ka biseduar me sulmuesin nga vendi i kangurëve.

“Në bisedën e fundit me Besart Berishën më ka konfirmuar se që nga janari do të jetë i gatshëm për Përfaqësuesen e Kosovës. I bie nga ndeshja me Islandën. Ky është informacioni i fundit dhe i vetëm që kam nga Besart Berisha”, ka thënë Bunjaku për Telegrafin.

Sipas medieve australiane, Berisha nuk do të mund ta lëshojë Australinë deri në vitin e ardhshëm të muajit tetor.

“Gjithsesi përvoja e Besartit do të ishte e nevojshme për ne, pasi do të na ndihmonte mjaftë shumë në repartin e sulmit”.

“Shpresojë që çdo gjë të jetë në rregull dhe nga marsi të na bashkohet”, nënvizoi Bunjaku.

Por siç duket trajneri nuk do të ketë kokëçarje sa i përket sulmit, pasi edhe tre sulmues do t’i bashkohen Kosovës në janar.

“Nga ndeshja e ardhshme në sulm do ta kemi edhe në Atdhe Nuhiun, Donis Avdijajn dhe Erton Fejzullahu që është kthyer nga operacioni”, përfundoi Bunjaku prononcimin për Telegrafin.  /Telegrafi/