Përurohet shiriti rrugor shtesë në pikën doganore të Morinës

Ministri i Infrastrukturës dhe Transportit Pal Lekaj, bashkë më ambasadorin e Shqipërisë në Kosovë Qemal Minxhozi, të premten mori pjesë në përurimin e shiritit rrugor shtesë në pikën doganore të Morinës, kufiri Kosovë-Shqipëri, njofton MTI përmes një komunikate për media.

Sipas njoftimit për media, ky shirit shtesë do të ndihmojë qarkullimin edhe më të lirë e të shpejtë të njerëzve dhe mallrave nga të dyja anët e kufirit.

Duke folur për rëndësinë e këtij projekti infrastrukturor ministri Pal Lekaj deklaroi se ky shirit shtesë është në shërbim të lëvizjes së lirë të qytetarëve dhe mallrave, sidomos për transportuesit nga të dyja anët e kufirit. Lekaj tha se bashkëpunime të tilla si ky, ndikojnë dukshëm në relacionet vëllazërore mes Kosovës dhe Shqipërisë.

Në njotim thuhet se ambasadori Mixhozi e falënderoi ministrin Lekaj dhe dikasterin që ai përfaqëson për kontributin në realizimin e këtij projekti që ishte prolonguar për një kohë të gjatë, por që falë angazhimit të ministrit Lekaj u krye në më pak se 10 ditë./Telegrafi/