Perisic afër largimit, Interi ka në listë dy zëvendësues për kroatin

Ivan Perisic pritet të largohet nga Interi më së largu në fund të këtij edicioni, atëherë edhe kur i skadon kontarta.

Anësori kroat është i lumtur te Nerazzurët, mirëpo këta të fundit duan të gjejnë një anësor më të ri.

Sipas asaj që raporton La Gazzetta dello Sport, Perisic mund të largohet edhe në afatin kalimtar të janarit, me Interin që ka dy emra në listën e transferimeve.

Kampioni në fuqi i Serie A po tenton që të transferojë Mohamed Fares që aktualisht luan te Genoa, por është i huazuar nga Lazio, e Inzagi e kishte nën urdhrat e tij kur ishte te skuadra nga Roma.

Një tjetër lojtar që Interi po e kërkon është edhe Lucas Digne që aktualisht luan te Evertoni, derisa në Itali kishte luajtur për Romën.

Këto dy objektiva janë të arritshme për Interin, mirëpo do të shikojnë të nxjerrin më të mirën e mundshme nga këto marrëveshje.

Nga mediumi italian bëhet e ditur se njëri lojtarëve që transferohet te kampioni i Serie A, do të jetë i huazuar me opsion për ta blerë. /Telegrafi/