Përfundojnë punimet e fazës së parë në Kullën e Tal Belit, e cila gjindet në Kralan të Gjakovës

Në shtator të këtij viti Ministira e Kulturës, Rinisë dhe Sporit e Republikës së Kosovës kishte bërë të ditur se kishte filluar restaurimin e tërësishëm të Kullës së Tal Belit, e cila gjindet në fshatin Kralan të Gjakovës, dhe që është një monument që i takon kategorisë së monumenteve arkitekturore.

Gjatë fillimeve të punimeve për restaurimin e kësaj kulle, ministri i Ministrisë së Kulturës, Rinsë dhe Sportit Hajrulla Çeku, kishte potencuar që punimet në këtë aset, që është shembull i kullave të fund shekullit XVII (17),  po zhvillohen duke i kushtuar rëndësi çdo detaji që të ruhen karakteristikat dalluese të saj, që janë një mori gurësh me mbishkrime dhe motive kryesisht gjeometrike.

Ndërs gjatë ditës së sotme ministri Çeku, përmes një postimi në Facebook, ka bërë të ditur që Kulla e Tal Belit ka shpëtuar nga rrënimi, pasiqë tashmë kanë përfunduar punimet e fazës së parë në këtë objekt i cili paraqet një pjesë të rëndësishme të trashigimisë sonë kulturore./Telegrafi/