Përditësohet ranglista botërore e CS:GO – Na’Vi shumë afër vendit të parë

Si çdoherë faqja më e madhe e CS:GO, HLTV, vazhdon ta përditësojë ranglistën botërore të CS:GO, ku ekipet marrin pikë në bazë të formës dhe rezultateve të tyre të fundit në garat e CS:GO.

Tash e një kohë, ekipi i cili vazhdon të kryesojë listën, është ekipi FaZe, të cilët u shpallën kampion të turneut më të madh të CS:GO më herët këtë vit, ku e patën mposhtur ekipin Na’Vi në finale.

Edhe pse FaZe nuk është duke treguar një formë aq të mirë turnetë e fundit, duke u mposhtur nga ekipe të ndryshme, po vazhdon të qëndrojë në vendin e parë, duke u pasuar nga ekipi Na’Vi, që pas përditësimit që është bërë sot (e hënë), kanë kaluar nga vendi i tretë në të dytin pasi fituan turneun Blast Premier së fundmi dhe është shumë afër për të kaluar ekipin FaZe.

Në vendin e tretë është ekipi ENCE, në të katërtin ekipi Cloud9, ndërsa në vendin e pestë ekipi Vitality.

Ndërsa ekipi shqiptar Bad News Eagles për momentin renditet në vendin e 21-të, krahasuar me javë më parë ku renditeshin në vendin e 18 –të.

Më poshtë e gjeni renditjen e 20 ekipeve më të mira në ranglistën botërore të CS:GO.

1.FaZe
2.Na’Vi
3.ENCE
4.Cloud9
5.Vitality
6.G2
7.NIP
8.FURIA
9.BIG
10.Heroic
11.Spirit
12.Astralis
13.OG
14.Movistar Riders
15.Liquid
16.Outsiders
17.Imperial
18.MOUZ
19.forZe
20.MIBR

/Telegrafi/