Çifti Donald Veshaj dhe Bora Zemani janë kthyer prej kohësh në ndër personazhet më të diskutuar në mediat rozë.
Pas një sage të gjatë të ndarjes dhe ri-takimit në Big Brother VIP, dyshja lanë prapa gjithçka dhe u rikthyen sërish në krahët e njëri-tjetrit.
Gjatë muajve ata u fotografuan nga paparacët së bashku disa herë në lokacione të ndryshme, kryesisht gjatë pushimeve jashtë vendit.
Ndërkohë së fundmi, një fotografi e përbashkët e çiftit është publikuar edhe në rrjetet sociale.
Ka qenë shoqja e tyre e ngushtë, Semi Jaupaj, ajo e cila ka publikuar një fotografi me dyshen, të realizuar në një nga tribunat e festivalit “Sunny Hill” që po mbahet në Tiranë.
“Shokë përgjithmonë”, shkroi Semi në mbishkrimin e fotografisë, e cila ka marrë mijëra pëlqime dhe komente nga ndjekësit.
Semi përndryshe gjatë kohës së Big Brother VIP ishte indinjuar me Donaldin, kur kishte kuptuar se ky i fundit krijoi një lidhje me këngëtaren Beatrix Ramosaj gjatë qëndrimit brenda.
Megjithatë lidhja e Donaldit me Beatrixin përfundoi pas mbarimit të BBV, me ç’rast edhe miqësia e vjetër e Semit me Donaldin u rikthye. /Telegrafi/
