Konstituimi i komisionit hetimor që synon sqarimin e dilemave për keqpërdorim me rezerva shtetërore, është duke dështuar për disa herë radhazi. E brenda 16 vjetësh janë themeluar 11 komisione të tilla. Nga Kuvendi i Kosovës kanë ofruar të dhëna për këto komisione hetimore, teksa kanë treguar se nga ta vetëm katër raporte kanë arritur të miratohen nga deputetët.
11 komisione parlamentare hetimore janë formuar në Kuvendin e Kosovës për tema të ndryshme brenda 16 vjetësh.
Në vitin 2006 deputetët e atëhershëm kishin themeluar komisionin hetimor lidhur me raportin e zyrës së Auditorit të Përgjithshëm për gjetjet në Kuvendin e Kosovës, e që më pas kishin miratuar edhe raportin për këtë çështje.
Në të dhënat që Zyra e Kuvendit i ka ofruar televizionit Dukagjini, bëhet e ditur se kanë arritur të miratohen vetëm katër raporte nga këto 11 komisione deri në vitin 2022.
Ndër raportet e miratuara që ka dhënë rezultate tek gjyqësori, është rasti i dëbimit të shtetasve turq më 2018.
Të tjerat nuk janë miratuar nga deputetët për arsye se në disa raste ishte shpërndarë Kuvendi, e në disa raste edhe i kishte kaluar mandati.
“Komisioni Hetimor parlamentar në lidhje me shpenzimet për lobim nga ana e Presidencës dhe Qeverisë së Kosovës – i themeluar më 1 qershor 2018. Komisioni Hetimor Parlamentar ka përgatitur raport. Raporti përfundimtar është shqyrtuar më 12.04.2019, ndërsa nuk ka arritur të miratohet deri në shpërndarjen e Kuvendit më 22.08.2019. Komisioni Hetimor Parlamentar në lidhje me emërimet e shërbyesve të lartë civil në Administratën Shtetërore – i themeluar më 28 qershor 2018. Komisioni Hetimor Parlamentar nuk ka përgatitur raport. Komisionit i ka kaluar mandati pa përgatitur Raportin përfundimtar”.
Derisa, aktualisht janë dy komisione hetimore parlamentare që funksionojnë në Kuvendin e Kosovës, ai për rastet e dhunës seksuale dhe dhunës në familje, si dhe ai për rezervat shtetërore i cili nuk është arritur të konstituohet për të gjashtën herë radhazi, shkaku i bojkotit të partisë në pushtet.
Por, për mënyrën e funksionimit të këtyre komisioneve hetimore, ka kritika Instituti Demokratik i Kosovës, i cili thotë se shpesh deputetët nuk i trajtojnë shumë seriozisht çështjet.
“Fatkeqësisht në ushtrimin e këtij funksioni deputetët dhe partitë politike kanë çaluar, sepse shumë shpesh kemi politizimin e punës së komisioneve, një prej atyre është Komisioni i Energjisë, kur pozita ka vendosur të hap një të tyre, e opozita një tjetër, prandaj duke e kujtuar që funksioni i këtij institucioni është i rëndësishëm, dhe ne duhet të i bëjmë thirrje deputetëve që të ushtrojnë në një mënyrë më objektive dhe neutrale.”, thotë Arbër Thaçi nga KDI.
Në lidhje me hetimet që mund të nisin si shkak i raporteve që dalin nga komisionet hetimore, nuk kanë kthyer përgjigje nga Prokuroria Speciale e Kosovës./RTVDukagjini/
Lufta Prigozhin - Putin
Më shumëNga Rubrika
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
A po e kushtëzon Sllovenia Kosovën me Asociacion për t’u bërë pjesë e Këshillit të Evropës – flet presidentja Pirc Musar
Një shtetas nga Serbia është mashtruar në Shkup, i kanë marrë 300 euro për një aksident të rremë
Çfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë