Ylli i “The Vampire Diaries”, Paul Wesley dhe gruaja e tij, Ines de Ramon, janë ndarë pas tre vitesh martesë.
“Vendimi për t’u ndarë është i ndërsjellë dhe ka ndodhur pesë muaj më parë”, tha një përfaqësues i çiftit.
“Ata po kërkojnë privatësi në këtë kohë”, thuhet më tej.
Foto: Getty Images
Wesley ka nisur lidhjen me tashmë ish-partneren në vitin 2018, gjersa u panë dorë për dore në një takim romantik.
Ata e bënë zyrtare lidhjen një muaj më vonë ndërsa po merrnin pjesë në një dasmë në Montauk.
Aktori i “Fallen”, 40-vjeçar dhe de Ramon, 29-vjeçe, u martuan në vitin 2019 me një ceremoni të rrethuar nga familja e miqtë.
Foto: Getty Images
Thashethemet për ndarjen e çiftit filluan të qarkullonin muajin e kaluar kur Wesley u pa duke u shoqëruar me modelen Natalie Kuckenburg në New York – pa unazën e tij.
Aktori ishte i martuar më parë me aktoren e "Vampire Diaries", Torrey DeVitto, nga viti 2011 deri në 2013. /Telegrafi/
Foto: The Image Direct
