Pasojat e coronavirusit, qyteti kinez bllokohet tërësisht – ngriten çmimet nëpër markete, qytetarët rrahen në arkë për mallra  

Autoritetet kineze kanë shpallur karantinën më të madhe në histori të vendit, me qëllim që të parandalojnë zgjerimin e coronavirusit i cili tani për tani nuk ka ilaç e as vaksinë që kuron pacientët nga ky virus.

Deri më tani kanë humbur jetën mbi 20 persona, kurse më shumë se 600 tjerë janë infektuar me virusin vdekjeprurës, transmeton Telegrafi.

Të paktën pesë qytete kineze janë futur në karantinë, kurse Pekini ka paralajmëruar një sërë veprimesh me rastin e viti të ri kinez.

Wuhan Virus Latest: Wuhan Imposes Massive Quarantine, Shutting Down Public Transit#coronavirus#CoronavirusOutbreak #China pic.twitter.com/9LVOvelUXd

— SpotlightWorld (@Spotlight_World) January 23, 2020

Rrugët që lidhin qytetin e Wuhan në provincën Hubei janë mbyllur, kurse gjitha linjat vajtje-ardhje janë anuluar nëpër stacionet e autobusëve, atyre të trenave si dhe është mbyllur aeroporti.

Lexo po ashtu Skenat e tmerrshme nga Kina “vërshojnë” rrjetet sociale, nga coronavirusi njerëzit po rrëzohen nëpër rrugë

Në videot e publikuara më poshtë shihen policët duke bllokuar rrugët dhe duke ua pamundësuar shoferëve të vazhdojnë tutje, më saktësisht të largohen nga qyteti.

E për shkak të këtyre raportimeve, te qytetarët ka mbizotëruar një situatë kaotike dhe paniku, kurse në markeve është një kaos i vërtetë, çmimet janë rritur në mënyrë enorme.

#WuhanCoronavirus🇨🇳
— With the WHOLE city locked down from today, people in #Wuhan start FIGHTING for #food & daily supplies in local supermarkets 😱

No wonder #CCPChina is sending out #army to guard major Train Stations & Airport!#ChinaPneumonia #ChinaVirus #Wuhan #WuhanSARS pic.twitter.com/kckctOjjA2

— @Dystopia – #StandWithHongKong (@Dystopia992) January 23, 2020

Shumica prej tyre vraponin si të çmendur për të blerë ata artikuj për të cilët kishin nevojë, e nga dëshira e madhe që secili t’i ketë gjërat e nevojshme, kanë ndodhur rrahje pranë arkave.

Lexo po ashtu Pamje rrëqethëse nga tregu që solli coronavirusin, aty hanë gjarpërinj, koala dhe akrepa – shitësit punojnë në papastërti të madhe

Qytetarët në një mënyrë janë të mllefosur, pasi që po konsiderojnë se autoritet është dashur të paralajmërojnë më herët për atë se sa shumë i rrezikshëm është ky virus.

“Jam kapluar nga paniku pasi që qeveria ka thënë se nuk është asgjë serioze, këtë mëngjes Wuhani është bllokuar plotësisht. Mendoj se paralajmërimet kanë ardhur me vonesë”, ka deklaruar Wang Jing, 26-vjeç, shërbyes civil. /Telegrafi/