Qytetarët e Luginës së Preshevës, nga tash e tutje do të ketë platformën digjitale mbi çështjet e pasivizimit të vendbanimit dhe vendqëndrimit në Serbi.
Në këtë platformë online, ata/o mund të informohen, të raportojnë, të ankohen dhe të sigurojnë ndihmë juridike falas, mbi çështjet e pasivizimit.
Për këtë nismë, ka folur kryetari i Këshillit për të Drejtat e Njeriut në Luginë, Belgzim Kamberi.
Kamberi në një prononcim për Telegrafin ka treguar se qëllimi i hapjes së kësaj platforme është që të sistematizohet dhe sensibilizohet puna rreth çështjes së pasivizimit në Serbi.
“Nëpërmjet krijimit të kësaj hapësire digjitale që i kushtohet enkas çështjes së pasivizimit, qytetarët do të munden tashmë të informohen, të raportojnë, të ankohen dhe të sigurojnë ndihmë juridike falas, mbi çështjet e pasivizimit. Këtë e kemi konsideruar të rëndësishme duke pasur parasysh se në njërën anë kishte shumë paqartësi në mesin e qytetarëve se çfarë nënkupton pasivizimi, sikurse në procedurë paraprake, ashtu edhe pas vendimit të pasivizimit”, ka thënë Kamberi.
Ai ka shtuar se kjo platformë është edhe në shërbim të ndërtimit të një baze të të dhënave që mundëson evidentimin e qytetarëve të pasivizuar, por edhe është mundësi për ta qartësuar procedurën që është ndjekur nga organet përgjegjëse ligjzbatuese në rastin e pasivizimit të vendbanimeve dhe vendqëndrimit.
Kamberi ka theksuar se do të përpiqen që ta bëjmë platformën sa më të qasshme për qytetarët.
“Në këtë drejtim do ta zhvillojmë edhe një fushatë sensibilizuese për t’i informuar qytetarët për krijimin e platformës dhe mundësitë që ajo krijon rreth çështjes së pasivizimit. Më vonë kjo platformë do t’i bartet tërësisht Këshillit Kombëtar Shqiptar që e ka mbështetur dhe mundësuar krijimin e kësaj platforme”, u shpreh ai.
I pyetur se cilët do të jenë hapat tjerë që do të ndërmarrin pas hapjes së kësaj platforme, Kamberi shtoi se shumë shpejt do të publikojnë një hulumtim për çështjen e pasivizimit.
“Përpos krijimit të platformës digjitale dhe mundësive që krijon, shumë shpejtë do të publikojmë edhe një hulumtim të hollësishëm lidhur me çështjen e pasivizimit. Përpos qytetarëve dhe opinionit publik, ky hulumtim do të mund t’iu shërbejë edhe institucioneve për të kuptuar më mirë sesi po zbatohet në praktikë ligji i vendbanimit dhe vendqëndrimit në Serbi, sidomos në Preshevë, Bujanoc dhe Medvegjë”, ka deklaruar Kamberi për Telegrafin.
Rreth 8 mijë banorëve shqiptarë në Luginën e Preshevës u janë pasivizuar adresat, një masë e shtetit serb që po u pamundëson shqiptarëve pajisjen me dokumente pas skadimit të tyre.
Platformën mund ta gjeni duke klikuar KËTU. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Alarmi i Alicia Kearns për Ballkanin, politologët komentojnë deklaratën e deputetes britanike
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Hoxha: Peter Stano po e luan rolin e “kaubojit”
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit