Pasi aplikuan 28 mijë vajza, miliarderi japonez i bie pishman – heq dorë nga kërkesa për partnere, për udhëtimin e tij në Hënë

Një miliarder japonez i cili po kërkonte një “partner jete” femër për ta shoqëruar atë në fluturimin turistik për në Hënë, ka anuluar planet e tij.

Sipas mediave të huaja, përcjell Telegrafi, “magjistari” i modës Yusaku Maezawa ftoi gra beqare mbi moshën 20 vjeçe të aplikojnë për ta shoqëruar atë në udhëtimin e tij.

Uebfaqja përmbante një listë të kushteve dhe kritereve, duke përfshirë: ato duhej të ishin të vetme; mbi moshën 20 vjeç; dhe me një interes për të shkuar në hapësirë.

Lexo po ashtu Miliarderi japonez publikon shpalljen, kërkon një femër më të cilën do të mund të udhëtonte në Hënë me Space X

Dhe që nga publikimi i shpalljes, thuhet se kanë aplikuar rreth 28 mijë vajza.

Due to personal reasons, I have informed AbemaTV yesterday with my decision to no longer participate in the matchmaking documentary, hence requested for the cancellation of the show.

— Yusaku Maezawa (MZ) 前澤友作 (@yousuck2020) January 30, 2020

Megjithatë, pas kësaj, të enjten 44-vjeçari tha se po përjetonte “ndjenja të përziera” dhe u tërhoq nga kërkesa për shoqëruese, edhe pse nuk ka hequr dorë nga udhëtimi i tij në hapësirë në vitin 2023.

Lexo po ashtu Mijëra vajza aplikojnë për të qenë “e dashura” e miliarderit japonez, gjatë një udhëtimi në Hënë

Kjo nuk është hera e parë që Maezawa, themeluesi dhe ish CEO i shitësit me pakicë të modës në internet Zozo, ka tërhequr vëmendjen e rrjeteve sociale.

Ai më parë premtoi të ndajë 100 milionë jen (925,000 dollarë) midis 100 njerëzve të zgjedhur rastësisht, të cilët ndanë një nga tweet-et e tij. /Telegrafi/