Presidenti i Serbisë, Aleksandar Vuçiq, pas takimit me presidentin francez Emmanuel Macron, është parë të jetë nervoz teksa ka folur para gazetarëve. Ai ka thënë se sipas të gjitha gjasave nuk do të takohet në Paris me kryeministrin e Kosovës, Albin Kurti.
Vuçiq foli për seriozitetin e qasjes për zgjidhjen e problemeve në Kosovë, por edhe për frustrimin e njerëzve që jetojnë në një atmosferë, sipas tij, ku nuk është arritur asgjë për 10 vjet.
“Macron është presidenti i Francës, vendi i dytë më i madh në Evropë, dhe unë jam presidenti i një vendi të vogël, por krenar. Njihemi prej kohësh, besoj se ka ende shumë për të bërë. Do të ketë ende shumë detaje, por sot nuk është dita për të gjitha”, tha ai.
Siç shkruan “Nova.rs” Vuçiq praktikisht gjatë gjithë kohës ishte dukshëm nervoz derisa iu drejtua publikut.
Ai ngriti zërin në disa raste, gjë që tregon se detajet e bisedës nuk ishin tërësisht pozitive.
Vuçiq ka thënë se sipas të gjitha gjasave nuk do të takohet me Kurtin.
“Serbët e thanë qartë se cilat janë kërkesat tona. Unë kurrë nuk jam optimist, kam pasur një takim të mirë, nga pikëpamja e marrëdhënieve dypalëshe, e kam fjalën për Francën. Ndërsa, kur është fjala për Prishtinën, nuk jam optimist. Sot e solla dokumentin për targat dhe ia tregova Macronit. Ata [pala kosovare] nuk duan ta japin, sepse e larguan në mënyrë të njëanshme në vitin 2020. Unë po kërkoj vetëm atë çfarë shkruan”, tha Vuçiq, transmeton Telegrafi.
Në pyetjen e gazetarëve se si e komenton deklaratën e kryetarit të Lëvizjes “Zemra” të Zdravko Ponosh, se ai e ka ngritur gatishmërinë luftarake më shumë se Tito, ai ka deklaruar se është “medicinale”.
“Ngritja e gatishmërisë luftarake është e dobishme, pothuajse medicinale. Për ngritjen e gatishmërisë luftarake folën ata që kanë shkrirë tanket”, tha ai.
“Nuk kam nevojë që dikush të më shpjegojë se si kam rrezikuar këtë apo atë, kurse tani ju duket ftohtë këtu në Paris. Na lejoni ta drejtojmë vendin me përgjegjësi, ne jemi një vend i lirë. Ne po luftojmë për pavarësinë e Serbisë dhe respektimin e qëndrimit”, tha Vuçiq, e më pas foli për disa vendime që mund të vijnë së shpejti.
“Do të dal para popullit ta them, nëse më duhet ta them. Tani po shkoj të punoj”, ka përfunduar Vuçiq.
Zyrtarë nga Kosova dhe Serbia kanë udhëtuar drejt Francës, në mes të krizës në veri të Kosovës, pasi pjesëtarët e komunitetit serb dhanë dorëheqje nga institucionet e Kosovës.
Qeveria e Kosovës më 1 nëntor nisi të zbatojë planin e saj për riregjistrimin e makinave me targa të paligjshme serbe, me gjithë insistimin e mëhershëm të komunitetit ndërkombëtar që ta shtyjë këtë plan.
Kosova kërkon që ato të zëvendësohen me targa RKS, apo Republika e Kosovës. Plani i saj parashihet të zbatohet në tri faza: e para, qortimi i shoferëve; e dyta, dënimi i shoferëve me 150 euro gjobë, dhe e treta, shpërndarja e targave provuese.
Shumica e serbëve në veri, të mbështetur nga Beogradi zyrtar, e kundërshtojnë planin, duke insistuar në targa neutrale ndaj statusit të Kosovës.
Në shenjë kundërshtimi ndaj zbatimit të tij, serbët e veriut kanë dhënë dorëheqje nga institucionet e Kosovës.
Me 11 nëntor, me Kurtin dhe Vuçiqin në Paris, në takime të ndara, pritet të takohet edhe shefi i diplomacisë së Bashkimit Evropian, Josep Borrell. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Sektori i bletarisë në Maqedoni ballafaqohet me disa probleme: Mjalti i falsifikuar, organizimi i pamjaftueshëm, dhe mungesa e lidershipit
Zjarre në dy deponi në Zhelinë dhe Bogovinë
Votimi historik për Kosovën në Asamblenë Parlamentare, vrasja e rëndë në Pejë e ndalimi i shtetasve të Kosovës në pikëkalimet kufitare të Serbisë – top lajmet e javës
Cilat ishin gjetjet e Themelores nga mbrojtja e të akuzuarve në rastin e “53-milionëshit”?
Serwer tregon se pse Serbia i frikësohet anëtarësimit të Kosovës në Këshillin e Evropës
Ndryshimi i motit, IHMK njofton për shi dhe borë
Von Cramon optimiste për anëtarësimin e Kosovës në KiE, tregon çka kërkojnë disa shtete
O'Brien pas takimit me Vuçiqin: Shpresoj që komuniteti ndërkombëtar do të bëjë gjithçka që Kosova të themelojë Asociacionin
Lajçak dhe Ashton flasin për kandidaturën e Pahorit si lehtësues i dialogut Kosovë-Serbi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel