Kamerat e sigurisë në një rrugë në qytetin meksikan Guadalajara, kanë kapur momentin kur një burrë qëllon për vdekje një grua pas një zënke që patën dyshja.
Gjithçka filloi kur gruaja shihet duke goditur me një mjet të fortë veturën e burrit, i cili për disa minuta e vëzhgonte me shpresën se ajo do të ndalej, transmeton Telegrafi.
Megjithatë në fund, ai futet në veturë dhe nxjerr një pushkë automatike me të cilën shtie mbi gruan disa herë, duke e lënë të vrarë dhe shtrirë në mes të rrugës dhe largohet nga vendi i ngjarjes me veturë sikur të mos kishte ndodhur asgjë e keqe.
Megjithatë kamerat e sigurisë kanë filmuar vrasjen, kurse zyra e prokurorit në Jalisco ka njoftuar se po analizojnë pamjet dhe se janë vënë në kërkim të vrasësit.
Deri më tani nuk dihen motivet që kanë çuar deri te akti makabër, kurse sulmi po cilësohet si femicid, e mediat meksikane raportojnë se bëhet fjalë për ish-partnerin e viktimës. /Telegrafi/
https://youtube.com/shorts/DfVLJx0aoI8?si=lFAJZZK2UnBPsYot
