LAJMI I FUNDIT:

Pas ngujimit 56 orësh, banorët e Kumanovës mbushën sot rrugët e qytetit

Pas ngujimit 56 orësh, banorët e Kumanovës mbushën sot rrugët e qytetit

Kumanova e mbushur përplot me njerëz. Me të zbardhë dita e së hënës, të gjithë përnjëherë dolën të kryejnë obligimet e tyre. Blerjet bëhen në shpejtësi, radhë të gjata para tezgave ambulante. Tregu i gjelbër është i mbyllur dhe qytetarët nuk pyesin më për çmimet që kanë filluar të rriten. Me nxitim shkojnë edhe nëpër barnatore, por jo çdo herë mbajnë distancën e rekomanduar. Disa shprehin revoltë ndaj autoriteteve për masat rigoroze.

“A i kanë kushtet këta njerëz në shtëpi për të ngrënë kur të mbyll dikush, a duhet të ju çoj ushqim shteti! Për sëmundjen nuk ka besim të këta, nuk ka as sëmundje, nuk e dimë çfarë interesi ka shteti.”

“Vetëm disiplinë, çfarë u thënë duhet të zbatohet. Kjo është në interesin time dhe të gjithë të tjerëve. Unë i respektoj masat për të tjerët nuk di, ka individë që nuk duan të dëgjojnë për këto rekomandime.

“Jo për Zotën, nga ushqimi dobët jemi, por çfarë të bëjmë, duhet të kalojmë disi. Mirë janë këto masa nëse është vërtetë kështu situata. Duhet të ruhemi mos ti marrim në qafë fëmijë dhe njerëzit tjerë.”

Situatë e ngjashme ishte në gjitha pjesët e qytetit. Raftet e shitoreve zbrazen shpejtë, sidomos të ushqimeve bazë. Para bankave, duhej ndërhyrja policore për të mbajtur radhën në distancë.

“Të rrepta po, por janë të nevojshme. Duhet të jemi të vetëdijshëm se masat duhet të respektohen që të ulim sa të mundim këtë infektim.”

“Në vend se të bëhet mirë, u bë më keq. Shikoni çfarë çmendurie. Nuk mund të jetë më mirë, do bëhet edhe më keq kështu.”

“Nuk i respektojnë masat romët, ka shumë të sëmurë që fshihen, frikësohen se mos i mbysin. Nuk di çfarë të them tjetër, por ka shumë romë të sëmurë që nuk dalin. Nëse dikush infektohet askush nuk do të na shohë sepse nuk kemi para, do t’i mjekojnë vetëm të pasurit.”

Nga Shtabi Komunal për mbrojtje dhe shpëtim thonë se shpërndarja e pakove me ushqimet bazë bëhet për rastet sociale. Sipas shtabit ndalimin e lëvizjes së qytetarëve nuk ndalohen edhe mallrat, ku porositë mund të bëhen për të distribuuar ushqimet nëpër shtëpi. Ndërkaq, dezinfektimi i rrugëve bëhej gjatë ditës.

“Ndonëse u vendosen si masë për spërkatjen automatike të automjeteve në çdo hyrje-dalje të qytetit, aktualisht as këtu e as në hyrjen tjetër jugore këto pajisje nuk punojnë.”

Pas orës policore 56 orëshe në fundjavë, banorët e Kumanovës do të jenë të mbyllur gjatë ditëve të punës që nga ora 16 e deri në orën 5 të mëngjesit. Të moshuarit mbi 67 vjeç nuk guxojnë të lëvizin nga ora 11, kurse të rinjtë nën 18 vjeç lirshëm mund të lëvizin nga ora 12 deri në orën 16.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori