Partia e Gjukanoviqit dorëzon në kuvend kërkesën e mocionit për mosbesim ndaj Qeverisë së Abazoviqit

Shefat e grupeve parlamentare të DPS, SDP-LP, SD, DUA kanë dorëzuar në procedurë parlamentare propozimin për mosbesimin e Qeverisë së 43-të të Malit të Zi.

Siç thuhet në deklaratën e përbashkët të klubeve, shkak për dorëzimin e propozimit është bërë mungesa e rezultateve të Qeverisë në drejtim të realizimit të atyre prioriteteve që janë përcaktuar gjatë zgjedhjes së saj, “që kanë të bëjnë me reformën e sistemit gjyqësor, forcimin e sistemi i sundimit të ligjit, intensifikimi i procesit të integrimit evropian, konsolidimi i politikës ekonomike në vend dhe riorganizimi i sistemit të kujdesit shëndetësor në kushtet e pandemisë së coronavirusit në vazhdim”.

“Për më tepër, sjellja injorante e kryeministrit Dritan Abazoviq ndaj pikëpamjeve të institucioneve më të rëndësishme shkencore në vend, si dhe ekspertëve të shquar dhe organizatave të shoqërisë civile, si dhe duke vënë në plan të parë marrëdhëniet me Kishën Ortodokse Serbe, ndërsa sjelljet e tij të papërgjegjshme dërgoi në ngritje të tensioneve në shoqëri dhe deri në humbjen e pariparueshme të kohës së nevojshme për përmbushje cilësore të detyrimeve nga agjenda evropiane, kjo Qeveri e ka humbur legjitimitetin e saj”, raporton rtcg.

Lexo po ashtu Gjukanoviq paralajmëron Abazoviqin: Nëse nënshkruhet Marrëveshja me Kishën serbe - shkarkohet Qeveria

Shtohet se në fund të shpjegimit të propozimit, u konstatua se, “për të gjitha sa më sipër, dhe për të mbrojtur interesat jetike shtetërore të Malit të Zi dhe për të shpëtuar shansin që vendi ynë të ecë në rrugën e integrimeve evropiane, ishte e nevojshme që Qeveria e 43-të e Malit të Zi të dorëzohej një iniciativë për votëbesimin”.

Kujtojmë se presidenti malazez, Milo Gjukanoviq e kishte paralajmëruar kryeministrin Dritan Abazoviq se do të shkarkohet në rast se e nënshkruan marrëveshjen me Kishën Ortodokse Serbe.

Ndryshe, Abazoviq është në krye të qeverisë malazeze edhe me votat e partisë së  presidentit të Malit të Zi, DPS, si dhe disa partive të minoriteteve. /Telegrafi/