Parashikimi i çmimit të kriptovalutës Shiba Inu për vitin 2021: A mund ta arrijë vlerën deri në 1 dollar?

Shiba Inu ka humbur paksa vlerë pas një rritjeje të furishme gjatë javës.

Kriptomonedha ka rënë rreth 1 për qind gjatë 24 orëve të fundit, duke u tregtuar në 0.000028 dollarë në kohën e shkrimit, sipas Coinbase.

Por tani mbajtësit e Shiba do të shpresojnë se sërish do të kthehet.

Shiba u rrit në fillim të këtij muaji pas një mesazhi në Twitter nga Elon Musk.

Ky i fundit, miliarderi i Teslas, ka një qenush Shibu Inu dhe publikoi një fotografi të tij në mediat sociale, e cila filloi një rritje të madhe në fillim të këtij muaji.

Në muajin e kaluar, Shiba është rritur me gati 250 për qind, transmeton Telegrafi.

Por çfarë të ardhme ka kjo kriptovalutë?

“The Sun” foli me ekspertët për të zbuluar të ardhmen e monedhës dixhitale – dhe sa mund të jetë vlera e kriptomonedhës në vitin 2022.

Shiba Inu është një token kriptomonedhë që lejon përdoruesit të mbajnë triliona prej tyre.

Tokenat e Shiba Inu shfaqin të njëjtin qen si Dogecoin, i cili është bërë një nga kriptovalutat më të njohura këtë vit.

Pavarësisht nëse keni investuar tashmë apo jo, mbani në mend se fitimi i parave përmes kriptovalutave ose investimeve të tjera nuk është kurrë i garantuar.

Monedhat kriptografike janë veçanërisht të paqëndrueshme, kështu që vlerat e tyre mund të rrëzohen me pak ose aspak njoftim.

Me fjalë të tjera, është e rëndësishme të mos vendosni më shumë para sesa mund të përballoni për të humbur dhe të mos investoni kurrë në diçka që nuk e kuptoni.

Kriptovalutat më të reja janë gjithashtu më të rrezikshme se ato që kanë ekzistuar për më gjatë, siç është Bitcoin, dhe ju bëjnë më të hapur ndaj mashtrimeve.

A mund të rritet vlera e Shiba Inu?

Shiba ka qenë e paqëndrueshme këtë vit pavarësisht rritjes në muajin e kaluar. Për shembull, tokeni arriti nivelin e saj më të lartë ndonjëherë në 0.00003641 dollarë më 11 maj – por më pas pësoi rënie.

Është e vështirë të parashikohet se si çmimi i Shiba Inu do të ndryshojë në të ardhmen për shkak të një numri të gjerë faktorësh që ndikojnë në të.

Kjo përfshin rregullatorët ekonomik në të gjithë botën, komentet nga individë të profilit të lartë si Musk dhe zhvillime të tjera.

Në maj, vlera e Shiba Inu u rrit pasi Binance njoftoi se do të rendiste monedhat në platformën kripto.

Vlera e saj gjithashtu u rrit në muajin shtator, pasi filloi tregtimin në Coinbase. Kjo do të thotë se çmimi mund të rritet edhe një herë nëse është i suksesshëm futja në platforma të tjera të njohura siç është eToro.

Sidoqoftë, siç kemi parë muajt e fundit, kriptovalutat janë shumë të paqëndrueshme dhe vlerat e tyre mund të ndryshojnë sa hap e mbyll sytë.

Myron Jobson, aktivist i financave personale të Interactive Investor, tha më parë për The Sun se “Është e vështirë të parashikosh çmimin e diçkaje që nuk ka vlerë”.

“Mjafton një cicërimë nga individë të profilit të lartë të cilët kanë ndikim të rëndësishëm në ndjenjat ndaj kriptove për të rritur kërkesën. Por një kontroll më i madh rregullator mbi kriptot kërcënon të pengojë potencialin e rritjes së Shiba Inu”, shtoi ai.

Ndërsa Simon Peters, analist i kriptoasset në eToro, shtoi se “Nëse vlera e tij do të rritet – është e mundur. Ndërsa më shumë shkëmbime fillojnë të rendisin tokenin dhe u japin investitorëve mundësinë për të fituar ekspozim, si çdo aktiv, ai do të tregtohet në mënyrë rutinore së bashku me Bitcoin dhe Ethereum. Duke u thënë kështu, kushdo që investon në tokena të tillë duhet ta bëjë këtë me kujdes”.

Në anën tjetër, Charlie Barton, specialist i investimeve në faqen e krahasimit Finder, tha për The Sun se pamja më e gjerë e tregut të kriptove është gjithashtu e rëndësishme tani.

“Shumë monedha nuk ka gjasa të kenë shumë rritje derisa të jetë e qartë se ndjenja po lëviz në një drejtim pozitiv”.

Sa do të vlejë Shiba Inu në vitin 2022?

Shumë tifozë të kriptomonedhës kanë parashikuar vlerën e Shiba Inu për vitin 2022, por asgjë nuk është e garantuar.

Por shumë prej tyre aktualisht janë në rritje pas lëvizjeve të duke pasur parasysh fitimet që është parë gjatë muajit të kaluar.

Për shembull, ueb-faqja e kriptove, Wallet Investor pret që Shiba të vlerësohet në 0.000040 dollarë në një vit.

Ndërkohë, “Parashikimi i Çmimit të Monedhës” parashikon që Shiba të jetë 0.00005278 dollarë deri në fund të vitit 2021 dhe 0.00006352 dollarë deri në mesin e vitit të ardhshëm.

Investimi në çdo kriptovalutë është i rrezikshëm – këtu ne përmbledhim atë që duhet të dini.

Mbrojtja e konsumatorit: Disa investime që reklamojnë fitime të larta bazuar në kripto asete mund të mos jenë subjekt i rregullimit përtej kërkesave kundër pastrimit të parave.

Paqëndrueshmëria e çmimeve: Paqëndrueshmëria e konsiderueshme e çmimeve në kripto asete, e kombinuar me vështirësitë e vlerësimit të besueshëm të kriptoa seteve, i vendos konsumatorët në një rrezik të lartë humbjesh.

Kompleksiteti i produktit: Kompleksiteti i disa produkteve dhe shërbimeve që lidhen me kripto asete mund ta bëjë të vështirë për konsumatorët të kuptojnë rreziqet. Nuk ka asnjë garanci që kripto asetet mund të konvertohen përsëri në para. Shndërrimi i një kriptoaktivi në para varet nga kërkesa dhe oferta ekzistuese në treg.

Tarifat: Konsumatorët duhet të marrin parasysh ndikimin e tarifave në investimet e tyre të cilat mund të jenë më shumë se ato për produktet e rregulluara të investimeve.

Materialet e marketingut: Firmat mund të mbivlerësojnë kthimet e produkteve ose të nënvlerësojnë rreziqet e përfshira. /Telegrafi/