Një video amatore e filmuar me telefon të mençur shfaq momentin kur studentët vrapojnë shkallëve të kolegjit për t'i shpëtuar plumbave të kolegut të tyre, i cili qëlloi për vdekje 20 persona dhe mbi 68 tjerë plagosi.
Sulmi i përgjakshëm që ndodhi në qytetin Kerch në Krime, ishte shkaktuar nga 18-vjeçari Vladislav Roslyakov, i cili pasi shkrepi plumbat e parë studentët janë parë duke vrapuar nëpër korridore e shkallëve që t'i shpëtojnë plumbave, transmeton Telegrafi.
Në mesin e viktimave janë 15 studentë nga mosha 15 deri në 19-vjeç si dhe 5 profesorë. Ndërkaq sipas autoriteteve të sigurisë sulmi është cilësuar si vrasje masive e jo si sulm terrorist siç ishte menduar në fillim.
Autori i masakrës që me vete kishte pushkë të kalibrit të ndryshëm, besohet se kishte bërë edhe një bombë artizanale me të cilën kishte dëmtuar disa dyer dhe dritare.
Profesori Vladislav Miroshnikov, ka pranuar se viktimat kishin sakrifikuar veten që t'i shpëtojnë shokët dhe shoqet e tyre që patën rastin të ikin nga plumbat. /Telegrafi/
