Pamela Anderson thotë se njerëzit nisën ta pëlqenin pas vendimit për t’u shfaqur pa grim

Pamela Anderson, në një intervistë për Better Homes & Gardens, foli për librin e saj të ri të gatimit dhe për jetesën e saj të qetë në ishullin Vancouver

Ndër të tjera, ajo u shpreh se fitoi disa admirues të rinj pas vendimit për të mos përdorur grim dhe për t’u shfaqur natyrale në evente të ndryshme.

“Tani njerëzit më ndalojnë në rrugë dhe më thonë: “E di, s’të kam pëlqyer kurrë më parë, por më pëlqen tani”. Dhe unë mendoj se në këtë fjali ka një kompliment”, tha 57-vjeçarja.

Ajo shtoi se nuk mendonte se dikush do ta vinte re që ajo ishte pa pikë grimit në Javën e Modës në Paris, në vitin 2023. “Thjesht ndodhi. Unë nuk doja të ulesha në karrigen e grimit për 3 orë”, tha Anderson, duke shtuar se do të dukej shumë bukur me fytyrën e saj me quka dhe me një kapele të madhe nga Vivienne Westwood.

Pamela theksoi se kurrë nuk e ka kërkuar perfeksionin dhe se ka menduar që të sfidojë idenë e bukurisë dhe maskën që njerëzit vendosin. “Sapo hoqa maskën, e gjithë bota nisi të hapej”, u shpreh ajo, duke shtuar:

“Ky ishte fillimi i lënies pas të një imazhi që gjithnjë e kam pasur për veten. Cili ishte personazhi vizatimor që kisha krijuar? Ok, ishte qejf, por unë nuk jam më ai person”.

Pam ka folur edhe më parë për vendimin e saj për t’u shfaqur pa grim në publik.

“Nuk erdha në Javën e Modës në Paris dhe mendova: “Nuk do vë grim”. Ishte diçka që më erdhi në mendje ndërkohë që vishesha me ato rroba të bukura. Mendova: “Nuk dua të konkurroj me këto rroba. Nuk po përpiqem të jem vajza më e bukur në dhomë”, u shpreh ajo, duke shtuar se ndihej më e lirë. Ndiej vetëm liri. Është çlirim”, tha ajo për Vogue France.

Më tej, tha:

“Ndonjëherë, duhet ta sfidosh bukurinë. Nëse të gjitha ndjekim rininë dhe idenë se ç’është bukuria, bazuar në revistat e modës, atëherë do të zhgënjehemi dhe ndoshta edhe do të mërzitemi”. /Telegrafi/