Palestinezët festojnë “pranimin e marrëveshjes” nga Hamasi, ndërsa izraelitët protestojnë për kthimin e pengjeve

Së fundmi, janë publikuar disa fotografi që tregojnë palestinezët duke brohoritur pas lajmit se Hamasi ka pranuar marrëveshjen për një armëpushim.

Pavarësisht faktit se marrëveshja e pranuar nga Hamasi u raportua si “mashtrim” dhe “e papranueshme” nga vendimmarrësit izraelitë, raportohet për turma njerëzish në Rafah të Gazës që “e festojnë” një pauzë të mundshme të luftës.

View this post on Instagram

A post shared by AbdulHakim Abu Riash (@abdalhkem_abu_riash)

E lajmin për pranimin e armëpushimit Hamasi e dha pasi Izraeli urdhëroi evakuimin e 100 mijë palestinezëve në Rafah drejt një zone humanitare, përpara një ofensive të premtuar prej kohësh për të mposhtur bastionin e Hamasit, përcjell Telegrafi.

Ndryshe, të bllokuara janë edhe rrugët në Tel Aviv ku të afërmit e pengjeve izraelitë kërkojnë që kryeministri Benjamin Netanyahu të pranojë marrëveshjen.

Protestat vijnë pasi Netanyahu është shprehur se propozimi i Hamasit është larg nga përmbushja e kërkesave të Izraelit, shkruan skynews.

Gjithashtu, ai ka njoftuar se Izraeli do të dërgojë përsëri një delegacion për të negociuar me Hamasin.

E siç raportohet, operacioni në Rafah do të vazhdojë. /Telegrafi/