Ministria e Shëndetësisë ka bërë përzgjedhjen e 85 inspektorëve sanitarë, të cilët do të ndihmojnë në mbikëqyrjen dhe kontrollimin e zbatimit të masave antiCOVID-19.
Këta 85 inspektorë kanë filluar punën sot, një ditë pas shpalljes së rezultateve. Këtë e ka bërë të ditur përmes një postimi në llogarinë zyrtare në rrjetin social Facebook, Agjencia e Ushqimit dhe Veterinarisë.
“Sot filluan punën inspektorët e rijnë për mbikëqyrje të zbatimit të masave COVID-19. Flamur Kadriu drejtori Ekzekutiv i Agjencisë se Ushqimit dhe Veterinarisë, u uroj mirëseardhje 85 inspektorëve të rijnë të cilët janë angazhuar për mbikëqyrje të zbatimit të masave COVID 19”, thuhet në postim.
Por lidhur me përzgjedhjen e këtyre inspektorëve në adresë të Telegrafit kanë shprehur shqetësimin e tyre dy aplikantë njëherit ish- inspektorë.
Duke dashur të mbesin anonim shkaku i ankesës që kanë paraqitur në Ministrinë e Shëndetësisë, ata thanë për Telegrafin se inspektorët e përzgjedhur janë krejtësisht të rinj, dhe se shumë nga ta nuk kanë përvojë pune, e cila ka qenë njëra prej kritereve në konkurs.
Në anën tjetër, në njoftimin e bërë dje nga Ministria e Shëndetësisë, nëpërmes të cilit u bënë publik emrat e 85 personave të pranuar për inspektorë, është theksuar si këshillë juridike se kandidatët e pakënaqur mund të bëjnë ankesë brenda afatit prej 3 ditësh në Komisionin e Ankesave në Ministrinë e Shëndetësisë.
“Konkursi është hap javën e kaluar, ka pas një javë kohë për të aplikuar. Kriteret e konkursit gjatë përzgjedhjes kanë qenë personat që kanë pas përvojë pune, përparësi kanë pasur personat që kanë punuar gjatë kohës së pandemisë. Ankesa ime ka qenë që në regjionin e Prishtinës prej 25 personave që janë pranuar shumica kanë qenë persona të rinj që nuk kanë qenë të angazhuar si inspektor. Unë nuk e di se cilat kritere ata i kanë plotësuar më shumë se të tjerët. Ne e kemi dërguar sot ankesën në Ministrinë e Shëndetësisë dhe na kanë thënë se ka tri ditë kemi kohë për ankesë, por të gjithë inspektorët sot janë thirr me ja fillu punës në mënyrë jashtëligjore, ende pa u përfunduar ankesa dhe pa u shqyrtu ato”, u shpreh për Telegrafin njëra nga kandidatet e cila deshi të mbetet anonim.
Ajo tregoi se vitin e kaluar ka punuar si inspektore, dhe se nuk kanë marrë asnjë shtesë nga ana e shtetit ani pse kanë punuar me orar të tej zgjatur dhe pa asnjë ditë pushim.
“Unë kam punuar një vit si inspektore brenda AUV, kemi punuar me orar të tej zgjatur deri në 17 orë në ditë, nuk kemi pasur asnjë ditë pushim. Ne kemi punuar ditë natë pa u ndal, dhe nuk kemi marrë asnjë shtesë prej shtetit dhe në fund të gjithë jemi diskriminuar në këtë konkurs”, u shpreh ajo.
Në anën tjetër edhe kandidati tjetër i cili po ashtu deshi të mbetej anonim shkaku i ankesës së parashtruar lidhur me këtë konkurs, u shpreh se këta persona nuk kanë qenë asnjëherë të punësuar në AUV gjatë pandemisë.
“Disa nga inspektorët sanitar të pranuar në regjionin e Prishtinës janë persona të cilët nuk kanë qenë asnjëherë të punësuar në AUV përgjatë pandemisë (kjo pasi që sipas konkursit do të duhej të merreshin me prioritet ata me përvojë për inspektim ndaj masave anticovid), me qëllim ose “gabimisht” kanë zënë vendin e profileve të kualifikuar me përvojë të gjatë në inspektim e përveç kësaj specifikisht në zbatimin e masave antiCOVID”, u shpreh ai.
Ndryshe në mesin e 85 inspektorëve të pranuar nga ana e Ministrisë së Shëndetësisë, është edhe burri i anëtares së Lëvizjes Vetëvendosje dhe ish-kandidates për deputete, Venera Llunji.
Blerim Llunji është kandidati i dytë që është pranuar për regjionin e Prishtinës si inspektor sanitar e që do të merret me zbatimin e masave për COVID-19, bashkë me 24 të tjerë në këtë rajon. Për këta 85 inspektorë që do të angazhohen në Agjencinë e Ushqimit dhe Veterinarisë, Ministria e Shëndetësisë, kishte hapur konkurs më 20 gusht.
Konkursi i hapur nga Ministria e Shëndetësisë ka përfshirë inspektorë sanitar në komunat Prishtinë, Pejë, Prizren, Ferizaj, Gjilan dhe Mitrovicë. Por, angazhimi i tyre do të jetë me kohë të caktuar, 3 muaj me mundësi vazhdimi edhe për 3 muaj tjerë. Këta inspektorë do të kenë pagë prej 520 euro. /Telegrafi/
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes