Paguan çmime të larta, por nuk mund të shihnin asgjë – fansat të zhgënjyer në koncertet e Adele në Mynih

Fansat e Adeles janë tërbuar pasi biletat e koncertit të Mynihut prej 350 eurosh i lanë ata me pamje ‘të tmerrshme’ të skenës.

Superylli 36-vjeçar, që së fundmi u fejua me Rich Paul-in, është Mynih për 10 shfaqje.

Biletat ishin shumë të kërkuara, duke u shitur prej 300 deri në 400 euro, me një opsion të biletës VIP me akses pas festës për 800 euro.

Por, pavarësisht emocioneve fillestare, fansat janë shprehur të zhgënjyer në koncertet për shkak të shikueshmërisë tepër të dobët.

Lexo po ashtu Adele shpërthen në lot në mes të koncertit teksa performonte “Someone Like You”: Kjo këngë më ndryshoi jetën

U shfaqën video të njerëzve që qëndronin në karrige në seksionet e ulura vetëm për të kapur një paraqitje të shkurtër të performancës së krijueses së hitit “Chasing Pavements”.

Shqetësime të tjera janë ngritur nga fansat me aftësi të kufizuara, me përdoruesit e karrigeve me rrota që ankohen për aksesin në arenën e Messe Munchen.

Një fanse që merr pjesë në koncerte mblodhi mbi 1.4 milionë shikime pasi ndau përvojën e saj në TikTok, duke thënë se ishte në seksionin B5 ku gjithçka që mund të shihte ishin kokat e njerëzve të tjerë.

“E njëjta gjë në B14”, ndau një tjetër.

“Sinqerisht, unë isha në A11 dhe ishte një shaka absolute”, shtoi një tjetër. /Telegrafi/

Also, all the stands (foods, Beverage, merch) have big stones in front. How I’m supposed to go through that with a wheelchair? Look how my sis had to push me from the front as I was completely blocked #AdeleInMunich #AdeleMunich @AdeleAccess pic.twitter.com/2aoweOzqOV

— N i n a 🥀🪐 (@nina_frenchy) August 9, 2024