Një grua me sëmundjen e Parkinsonit luajti në klarinetë ndërsa i nënshtrohej një operacioni në tru, në mënyrë që kirurgët të shihnin dhe dëgjonin ndikimin e menjëhershëm të punës së tyre.
Denise Bacon, 65 vjeç, përjetoi përmirësim të menjëhershëm në lëvizjet e gishtërinjve ndërsa mjekët stimuluan trurin e saj me një rrymë elektrike.
Terapistja e të folurit dhe gjuhës në pension iu nënshtrua stimulimit të thellë të trurit (DBS) pasi vuajti nga simptomat e sëmundjes, duke përfshirë ngadalësinë e lëvizjes dhe ngurtësinë e muskujve.
Ajo u diagnostikua me sëmundjen e Parkinsonit në vitin 2014 dhe kjo ka ndikuar në aftësinë e saj për të ecur, notuar, kërcyer dhe luajtur në klarinetë.
Bacon qëndroi zgjuar gjatë gjithë operacionit në spitalin King's College, Londër, dhe mori vetëm një anestezi lokale për të mpirë kafkën, transmeton Telegrafi.
Procedura kirurgjikale përdor elektroda të implantuara në tru dhe është e përshtatshme për disa pacientë me çrregullime të tilla si sëmundja e Parkinsonit.
Kjo çoi në rezultate të menjëhershme në tryezën e operacionit, me Bacon që demonstroi më shumë shkathtësi në gishtat e saj, duke i lejuar asaj të luante lehtësisht në klarinetë.
Profesori Keyoumars Ashkan, neurokirurgu që kreu DBS-në, tha: “Vrima sa gjysma e madhësisë së një monedhe pesë cent u bënë në kafkën e Denise-s pasi një kornizë me koordinata të sakta u vendos në kokën e Denise-s, duke vepruar si një navigator satelitor për të na udhëhequr në pozicionet e sakta brenda trurit për të implantuar elektrodën”. /Telegrafi/
