Gjatë natës u zhvilluan dy çerekfinalet e Kupës së NBA-së, ku Orlando dhe New York siguruan biletat për gjysmëfinale, duke shfaqur forcë, disiplinë dhe yje vendimtarë në momentet kyçe.
Orlando krijoi befasinë e madhe duke e eliminuar Miamin me rezultatin 117:108, pavarësisht mungesës së Franz Wagner. Desmond Bane shpërtheu me 37 pikë, duke qenë heroi i padiskutueshëm i ndeshjes, ndërsa Jalen Suggs shtoi 20 dhe Paolo Banchero kontribuoi me 18 pikë pas rikuperimit.
- YouTube www.youtube.com
Nga ana tjetër, Miami u mbajt në lojë nga 20 pikët e Tyler Herro dhe nga 19 pikë të Bam Adebayo dhe Andrew Wiggins.
New York Knicks gjithashtu nuk zhgënjeu, duke mposhtur bindshëm Toronton 117:101. Jalen Brunson shkëlqeu me 35 pikë, ndërsa Josh Hart shtoi 21 të tjera. Për Raptors, më i miri ishte Brandon Ingram me 31 pikë, por pa mjaftuar për të shmangur eliminimin.
Gjysmëfinalet e Kupës së NBA-së do të përballin Orlando-n me New York-un, ndërsa përballja tjetër do të përcaktohet nga fituesit e dueleve të sotme: Oklahoma City – Phoenix dhe LA Lakers – San Antonio. /Telegrafi/
- YouTube www.youtube.com
