Oriz me brokoli në furrë

Përbërësit:
* 250 g oriz
* 600 g brokoli
* 1 qepë e kuqe
* 2 lugë gjelle vaj ulliri
* 2 lugë gjelle djathë kaçkavall i grirë
* borzilok
* kripë dhe piper i bardhë

Përgatitja:
Lani brokolin dhe ndajeni në pjesë më të vogla. Hidheni në një tenxhere me ujë të vluar dhe me pak kripë dhe lëreni të ziejë vetëm për 2 minuta.

Në një tigan të thellë skuqeni qepën e prerë imët. Shtoni brokolin dhe lërini të skuqen së bashku edhe për 2 minuta të tjera.

Shtoni kripë dhe piper. Lërini të ftohen, ndërkohë që në një enë tjetër zieni orizin. Kur të jetë gati, kullojeni nga uji i tepërt.

Në një enë tjetër rrihni vezë, mundësisht me rrahës elektrik dhe shtojini djathin kaçkavall të grirë, borzilokun e prerë imët dhe bokolin. Bashkojeni me orizin dhe përziejeni mirë.

Masën e përgatitur ndajeni në 4 forma të vogla furre ose, në pamundësi, në tavë. Në të dyja rastet duhet t’i lyeni më parë me fare pak vaj.
Lëreni të piqet në 180°C për 15 minuta.

Pasi ta hiqni nga format shërbejeni të ngrohtë ose të ndarë në copa.
/Telegrafi/