Organizata joqeveritare Germin përmes një njoftimi për media ka shprehur shqetësimet lidhur me votimet e diasporës për zgjedhjet e parakohshme të 6 tetorit.
Germin në këtë njoftim ka kërkuar që vota e diasporës të trajtohet me kujdes të shtuar dhe seriozitet maksimal.
“Germin shpreh shqetësimet rreth ecurisë së procesit të votimit nga jashtë për Zgjedhjet e Parakohshme Parlamentare 2019. Me kënaqësi ne morëm lajmin për numrin final të aplikuesve të cilët kanë bërë kërkesën për të votuar nga jashtë. Numri prej 42.300 personave nga diaspora të interesuar për të votuar në Kosovë është padyshim zhvillim pozitiv, duke pasur parasysh që në zgjedhjet e fundit kemi pasur numër dyfish më të vogël, prej 20.345 aplikimesh nga jashtë. Gjithsesi, numri i aplikimeve do të mund të ishte edhe më i madh, sepse siç e kemi cekur edhe më herët, afati kohor i aplikimit ishte i shkurtër, duke marrë parasysh mungesën e informacionit paraprak dhe kampanjave informuese për të gjitha detajet dhe procesin e aplikimit për votim nga jashtë prej anës institucionale”, thuhet në njoftim.
Sipas njoftimit, pavarësisht numrit të rritur të aplikimeve, Germin ka shprehur shqetësim lidhur me ecurinë e mëtutjeshme të votimit nga diaspora.
“Arsyet për këtë janë: Sot (18 shtator 2019) është dashur të fillojë procesi i votimit jashtë vendit, mirëpo Komisioni Qendror i Zgjedhjeve (KQZ) ende nuk e ka publikuar një listë finale të çertifikuar për votuesit jashtë vendit, dhe në faqen zyrtare të KQZ-së mungon fletëvotimi i ngarkuar; Përveç numrit prej 42.300 aplikimeve për votim nga diaspora, ne akoma nuk kemi një njoftim zyrtar nga KQZ lidhur me numrin përfundimtarë të aplikimeve të aprovuara dhe atyre të refuzuara nga jashtë; KQZ gjithashtu nuk ka publikuar numrin e aplikimeve për votim nga Serbia, për të cilat jo-zyrtarisht na është thënë se nuk përfshihen në totalin e 42.300 aplikimeve; Duke u bazuar në faktin që ne po shohim vonesa në proces deri më tani, kërkojmë nga KQZ-ja që sa më parë të publikojë listën finale të aplikimeve të aprovuara për votim jashtë vendit, dhe t’u ofrojë informacionet e detajuara dhe afat të mjaftueshëm kohor bashkëatdhetarëve të cilëve i’u është refuzuar aplikimi për të bërë ankesat e tyre”, thuhet në njoftim.
Kjo organizat thekson se nëse KQZ-ja vonohet në realizimin e pikave të mësipërme në bazë të planit operacional, GERMIN do të kërkojë që të zgjatet afati për pranimin e fletëvotimeve me zarf.
“Më saktësisht të zgjatet afati deri më 8 tetor, 2019, me kusht që dërgesat e fletëvotimeve me zarf janë bërë para datës 6 tetor (kjo mund të verifikohet lehtë përmes vulës postare). Posaqërisht për faktin që ende nuk kemi një listë të publikuar të votuesve nga jashtë, ndërsa sot do të duhej të ishte dita e parë e votimit nga jashtë. Konsiderojmë që është shumë e rëndësishme që rritja e interesimit të bashkëatdhetarëve tanë jashtë vendit për të marrë pjesë në zgjedhje, duhet të trajtohet me kujdes maksimal të merituar dhe t’i ofrohet informacioni adekuat secilit person që ka aplikuar në mënyrë që të ketë sa më shumë vota të vlefshme. Kujtojmë që e drejta e votës garantohet me kushtetuë, dhe qytetarët tanë jashtë vendit duhet të kenë mundësi të barabarta votimi, sikurse të tjerët që jetojnë në Kosovë. Prandaj, është shumë e rëndësishme që kjo votë të trajohet në mënyrë adekuate në mënyrë që në zgjedhjet e ardhshme të inkurajojmë edhe më shumë pjesëtarë të diasporës të votojnë në Kosovë”, thekson njoftimi.
Sipas Germin, legjitimiteti i të zgjedhurëve është më i madh kur sa më shumë qytetarë votojnë, prandaj kjo organizatë thekson se vota e diasporës është një vlerë e shtuar në këtë drejtim dhe një kontribut shtesë në ndryshimet pozitive që mund të arrihen përmes pjesëmarrjes së tyre në vendim-marrje/zgjedhje. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Xhaferi-Lapsli: Maqedonia e Veriut është një anëtare e çmuar e Aleancës që është e përkushtuar në zhvillimin e kapaciteteve të saj mbrojtëse
Komuna e Deçanit fiton të drejtën për shfrytëzimin e tokave në Parkun Kombëtar “Bjeshkët e Nemuna”
Norvegjia i dhuron ushtrisë së Maqedonisë së Veriut 76 automjete
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Gostivar, këto janë rezultatet
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën