Botë Nga Bota

Organi i të drejtave të njeriut i OKB-së miraton me shumicë rezolutën “që dënon përdhosjen e Kuranit” – disa vende perëndimore votuan kundër

Para 2 vitesh

Organi më i lartë i OKB-së për të drejtat e njeriut ka miratuar me shumicë dërrmuese një masë që u bën thirrje vendeve të bëjnë më shumë për të parandaluar urrejtjen fetare pas djegies së Kuranit në Evropë, mbi kundërshtimet e vendeve perëndimore, të cilat kanë frikë se hapat më të ashpër nga qeveritë mund të shkelin lirinë e shprehjes.

Sipas mediave të huaja, përcjell Telegrafi, duartrokitje shpërthyen në dhomën e Këshillit të të Drejtave të Njeriut të mërkurën pas votimit 28-12, me shtatë abstenime, për një masë të sjellë nga Pakistani dhe Palestina që u mbështet nga shumë vende në zhvillim në Afrikë, si dhe Kina dhe India dhe vendet e Lindjes së Mesme.

Pas votimit, ambasadori Khalil Hashmi i Pakistanit këmbënguli se masa “nuk synon të kufizojë të drejtën e fjalës së lirë”, por përpiqet të vendosë një “ekuilibër të matur” midis saj dhe “detyrave dhe përgjegjësive të veçanta”.

“Kundërshtimi i disave në dhomë ka ardhur nga mosgatishmëria e tyre për të dënuar përdhosjen publike të Kuranit të Shenjtë apo ndonjë libri tjetër fetar”, tha Hashmi.

“Atyre u mungon guximi politik, juridik dhe moral për të dënuar këtë akt dhe ishte minimumi që këshilli mund të priste prej tyre”.

Vendet që votuan në favor të rezolutës ishin: Algjeria, Argjentinën, Bangladeshi, Bolivia, Kameruni, Kina, Bregu i Fildishtë, Kuba, Eritrea, Gaboni, Gambia, India, Kazakistani, Kirgistani, Malavia, Malajzia, Maldivet, Maroku, Pakistani, Katari, Senegali, Somalia, Afrika e Jugut, Sudani, Ukraina, Emiratet e Bashkuara Arabe, Uzbekistani dhe Vietnami.

Kundër rezolutës votuan Belgjika, Kosta Rika, Republika Çeke, Finlanda, Franca, Gjermania, Lituania, Luksemburgu, Mali i Zi, Rumania, Britania e Madhe dhe SHBA.

🔴BREAKING

The @UN🇺🇳 Human Rights Council adopted draft resolution L.23 (as orally revised) entitled "Countering religious hatred constituting incitement to discrimination, hostility or violence."

Full results of the vote at #HRC53⤵ pic.twitter.com/RqQM7m1dBP

— United Nations Human Rights Council (@UN_HRC) July 12, 2023

Turqia nuk ka të drejtë vote, pasi ka statusin e vëzhguesit në Këshillin e OKB-së për të Drejtat e Njeriut.

Gjithashtu, Britania e Madhe, SHBA dhe disa vende anëtare të Bashkimit Evropian kundërshtuan dënimin e djegies së Kuranit gjatë një debati urgjent të martën në Këshillin e të Drejtave të Njeriut të OKB-së mbi numrin në rritje të sulmeve kundër librit të shenjtë mysliman.

Rezoluta vjen pas djegies së fundit të Kuranit në Suedi, dhe ndër të tjera, u bën thirrje vendeve të ndërmarrin hapa për të “parandaluar dhe ndjekur penalisht aktet dhe mbrojtjen e urrejtjes fetare që përbëjnë nxitje për diskriminim, armiqësi ose dhunë”. /Telegrafi/