Rrëfenjë franceze
Përktheu: Bajram Karabolli
Një plak e takon një i ri dhe e pyet:
– A më mbani mend, profesor?
– Jo, bir, nuk më kujtohesh. Kush je ti dhe ç’punë bën?
– Kam qenë nxënësi juaj. Tani jam mësues.
– Ah, mësues siç kam qenë unë, sa mirë! Po pse zgjodhët këtë profesion?
– Ja, po jua tregoj: Një ditë shoku im i bankës na tregoi një orë xhepi që dikush ia kishte dhënë dhuratë. Ishte një orë aq e bukur sa më mori sytë dhe më mbyti lakmia për ta pasur. Nuk e mposhta dot lakminë, përkundrazi më mposhti ajo dhe ia vodha orën. Pas pak ai e pa që orën nuk e kishte dhe u ankua te ju, profesor. Ju, shumë qetë, u ngritët nga vendi juaj, dolët para klasës dhe na thatë të mbështesnim kokën mbi duart e kryqëzuara mbi bankë dhe të mbyllnim sytë. Ashtu bëmë dhe ju, duke na kontrolluar, një për një, e gjetët orën në xhepin tim, por vazhduat kontrollin deri tek nxënësi i fundit. Më në fund, na thatë të hapnim sytë, se orën e kishit gjetur, të cilën ia dhatë të zotit. Por, ju kurrë nuk thatë se kush e kishte vjedhur orën. Kësisoj, më ruajtët dinjitetin. Këtë që bëtë për mua nuk e kam harruar kurrë dhe nuk dija si t’jua shpërbleja. Por, kjo qe arsyeja që unë vendosa të bëhem mësues, si ju, pra një lloj nderimi për ju, profesor.
Dhe profesori, pasi e dëgjoi, tha:
– Më kujtohet shumë mirë kjo ngjarje, por kurrë nuk e kam ditur se kush e kishte marrë orën.
– Si ka mundësi, profesor?
– Sepse edhe unë i kisha mbyllur sytë dhe i hapa vetëm kur u ktheva te vendi im.
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit