OJQ-të kërkojnë barazi gjinore në listat e kandidatëve në Zgjedhjet lokale në Maqedonia

Nga Platforma për barazi gjinore apelojnë deri te partitë politike pjesëmarrëse në zgjedhjet lokale që gjatë krijimit të listave të përkujdesen për barazinë gjinore në listat e kandidatëve, përcjell Telegrafi Maqedoni. Ata me letër të hapur deri te partitë politike se vetëm nëse mundësohet përfaqësim i barabartë në lista të kandidatëve, do të mund të pritet zvogëlimin e dallimit gjinor në numrin e të zgjedhurve si kryetarë komune.

Anëtaret e Platformës kërkojnë nga partitë politike barazi gjinore në listat e kandidatëve në zgjedhjet lokale dhe gjithë zgjedhjet tjera në vazhdim si parakusht kryesor për përfaqësim më masiv të femrave në funksione politike, dhe me këtë të arrihet përfaqësim i barabartë i interesave të dy gjinive në vend.

“Duke pasur parasysh përcaktimet e ndryshme programore të parive politike të shfaqura gjatë zgjedhjeve të kaluara parlamentare, barazi gjinore në veçanti presim nga partitë të cilat në mënyrë deklarative siguruan se do të luftojnë për barazi gjinore, duke theksuar në shumë raste se do të përkushtohen për zvogëlimin e dallimit gjinor në të gjitha segmentet e sistemit shoqëror në vend”, thuhet në letrën e hapur të Platformës në të cilën marrin pjesë 22 organizata joqeveritare./Telegrafi/