Oferta e Barcelonës për Dembelen përfshinë 40 për qind ulje të pagës

Barcelona ia ka bërë të qartë  Ousmane Dembeles se ata nuk kanë ndërmend të risin ofertën e tyre aktualisht në tavolinë që francezi të rinovojë kontratën e tij, sipas raportimeve në Spanjë.

Anësori nuk është më zyrtarisht lojtar i katalunasëve, pasi kontrata e tij në Camp Nou skadoi të premten në mëngjes dhe ai është një lojtar i lirë pasi nuk arriti të nënshkruajë një marrëveshje të re me gjigantët e La Ligës.

Mes krizës financiare të Barcelonës, Dembele do të duhej të kishte bërë një ulje të konsiderueshme pagash për të qëndruar në klub.

Lexo po ashtu Chelsea refuzon t’i ofrojë Dembeles pagë të majme

Klubi spanjoll e ka bërë të qartë se kjo është marrëveshja e tyre më e mirë dhe nuk do ta konsiderojë rritjen e ofertës.

Kontakti i fundit mes lojtarit dhe klubit ishte të hënën kur agjenti i Dembeles, Moussa Sissoko udhëtoi në Barcelonë për një takim tjetër për të diskutuar një rinovim të mundshëm të kontratës pasi ofertat e mëparshme ishin refuzuar.

Lexo po ashtu Dembele pranon të transferohet te Chelsea, vetëm nëse Tuchel ia premton një gjë

Me trajnerin e Barçës, Xavi, që po shtynte për një marrëveshje, Sissoko bëri udhëtimin duke e bërë më parë të qartë se asnjë marrëveshje nuk mund të arrihet në kushtet aktuale.

Në këtë situatë, Chelsea është favorite për t’i marrë shërbimet e tij dhe së shpejti pritet të ketë një marrëveshje. /Telegrafi/