Shfaqja e fundit e Lady Gagas në kuadër të “Chromatica Ball Tour” nuk përfundoi ashtu siç ajo shpresonte.
Të shtunën mbrëma (17 shtator), artistja 36-vjeçare ishte në mes të shfaqjes së saj të fundit në Miami, Florida, kur u detyrua ta përfundonte herët shfaqjen e saj.
Për shkak të motit të stuhishëm dhe vetëtimave, Gagas iu desh të përfundonte koncertin përpara se të interpretonte të gjitha këngët.
Foto: Screenshot/Instagram
Pas përfundimit të shfaqjes, Lady bëri disa postime emocionuese në Instagram për të përshkruar ngjarjen.
“Më vjen keq që nuk munda ta përfundoja shfaqjen ishte shumë e rrezikshme që rrufeja ishte e paparashikueshme dhe ndryshonte moment pas momenti, ju dua”, tha ajo.
“Shikoni, për vite me radhë disa prej jush më kanë quajtur 'nënë përbindësh', në zemrën time e dija se ishte më mirë të ju mbaja të sigurt”, shtoi ajo artistja së bashku me një selfie ndërsa ishte ende me grimin dhe kostumin e saj të shfaqjes.
Foto: Screenshot/Instagram
“Faleminderit që besuat në mua. Ky ishte turneu më i madh i jetës sime dhe unë do ta vlerësoj këtë moment përgjithmonë - u desh shumë kohë që të shërohesha, por e bëra”.
“Mendoj se disi e dija se do të ndodhte ky moment dhe jam shumë mirënjohës për ju, balerinët e mi, grupin tim të gjithë ekuipazhit të gjithë familjes dhe miqve të mi. Siguria e para. Ju dua”.
Gaga ndau gjithashtu një video në lidhje me përfundimin e kësaj shfaqjeje të fundit.
“Ne vërtet u përpoqëm ta përfundonim shfaqjen sonte në Miami, por nuk ia dolëm sepse, edhe kur shiu ndaloi, kishte rrufe që goditi deri në tokë aq afër nesh”, vazhdoi Gaga mes lotësh. /Telegrafi/
