“Nuk ishte e thjeshtë” – Elton Ilirjani rrëfen detajet e takimit mes Parashqevisë dhe djalit pas shumë vitesh

Biznesmeni dhe modeli i njohur, Elton Ilirjani, rrëfeu në emisionin ‘Top Story’ detaje nga takimi mes këngëtares Parashqevi Simaku dhe djalit të saj Luke.

Ai theksoi se kishte vendime gjykate që e ndalonin të shihte të birin deri në moshën 18 vjeçare.

“Takimi mes Parashqevi Simakut dhe Luke ishte i shumëpritur, është dashur 15 vite dhe nuk ishte një takim kaq i thjeshtë duke pasur parasysh që kishte disa vendime gjykatash të rëndësishme që zgjatën kohë ku nuk i lejonin nënës Parashqevi Simaku të takonte djalin e saj të vetëm”, tha ai.

Tutje shtoi: “Ishte pak e pabesueshme në fillim, dhe kur e kam diskutuar me Parashqevinë më thoshte që është një ëndërr që mund të bëhet realitet dhe kjo mund të realizohet vetëm duke u lutur te Zoti”.

Eltoni ndër të tjerash theksoi: “Pavarësisht asaj që unë kam bërë është vullneti i Zotit që kjo të ndodhte sepse ishte totalisht e pamundur të realizohej të paktën nga ana teorike. Derisa djali ka mbushur 18 vjeç ka pasur një vendim që ajo nuk duhej t’i afrohej djalit, pas moshës 18 vjeç duke pasur parasysh edhe të gjithë historikun që kishte ndodhur, furtuna, humbja e nënës për një kohë të gjatë, janë shumë faktorë që e bënin të pamundur takimin mes tyre”.

Lexo po ashtu Të gjitha lajmet nga Parashqevi Simaku

“Duhet theksuar që djali e kishte humbur totalisht imazhin e nënës së tij, nuk e njihte fare”. /Telegrafi/