“Nuk e dua më as edhe një euro nga ta, dua të largohem” – Luis Alblerto shpall divorcin para kohe me Lazion

Luis Alberto tronditi fansat duke njoftuar drejtpërdrejt në televizion se ai “tashmë i ka kërkuar klubit të më ndërpresë kontratën” në mënyrë që të mund të largohet këtë verë.  

Mesfushori kishte qenë pranë largimit disa herë në vitet e fundit, për të ndryshuar gjithmonë mendjen, por këtë herë situata duket të jetë ndryshe.

“Javët e fundit kanë qenë të vështira për mua. Nuk e di se cili do të jetë projekti, por mund të them se sigurisht që nuk do të jem pjesë e projektit për sezonin e ardhshëm”.

“Unë tashmë i kam kërkuar klubit të më ndërpresë kontratën, nuk dua të marr një euro më shumë nga Lazio. Unë mendoj se është koha tani për të hequr dorë. Ky klub më ka dhënë shumë, por ka ardhur koha që të largohem dhe t’ua lë të tjerëve”, ka thënë Luis Alberto për DAZN.

31-vjeçari është nën kontratë deri në qershor të vitit 2027, kështu që mbetet për t’u parë nëse ai kërkon një transferim apo thjesht ndërpret marrëveshjen para kohe.

Lexo po ashtu Luis Alberto në luftë me Lazion: Ata blen aeroplan, nuk na paguajnë pagat tona

Si pjesë e shitjes së tij te Lazio për 4 milionë euro në vitin 2016, Liverpoolit i detyrohet 30 për qind e tarifës së transferimit të tij të ardhshëm.

Luis Alberto ka bërë 302 paraqitje me fanellën e Lazios, duke kontribuar 51 gola dhe 76 asistime. /Telegrafi/