“Nuk besoj asnjë fjalë që thua” – legjenda e Bayernit kritikon Lucas Hernandezin

Legjenda e Bayern Munichut, Mehmet Scholl, kritikoi Lucas Hernandez pasi lojtari francez u transferua në Paris Saint-Germain.

Lojtari ndau një mesazh të gjatë në rrjetet sociale, duke shprehur pikëllimin e tij për largimin nga Bavarezët.

“Sot jam me zemër të rënduar që jap lamtumirën time për klubin. Pas shqyrtimit të kujdesshëm, kam vendosur të përballem me sfida të reja. Do të doja t’ju falënderoja për mbështetjen tuaj të palëkundur gjatë kohës sime këtu”, ka shkruar Hernandez.

“Momentet e përbashkëta do të mbeten përgjithmonë në kujtesën time, si dhe trofetë e fituar, veçanërisht Liga e Kampionëve që kam ëndërruar gjithmonë”.

“Dëshiroj të falënderoj kolegët e mi, ekipin e trajnerëve, të gjithë stafin e klubit si dhe menaxhmentin dhe trajnerët e Bayern Munich për besimin dhe mbështetjen e tyre të pakushtëzuar në çdo kohë. Ky klub më ka bërë të rritem si lojtar dhe si një person”.

“Krenar që kam veshur fanellën e një prej klubeve më prestigjioze në botë. Së fundi, po ju kërkoj të respektoni vendimin tim, edhe nëse lamtumirat janë gjithmonë të vështira”, thuhej në shkrimin e tij.

Në anën tjetër, Scholl nuk ishte aspak i kënaqur me mënyrën se si Hernandez u largua nga klubi.

Ai i la një koment në postimin lamtumirës të francezit, ku thuhet: “Nuk besoj asnjë fjalë që thua. Mirupafshim”. /Telegrafi/

Danke @FCBayern pic.twitter.com/QhLxqeDLwB

— Lucas Hernández (@LucasHernandez) July 9, 2023