LAJMI I FUNDIT:

Nokia së shpejti prezanton tabletin e ri, Lumia 2520?

Nokia së shpejti prezanton tabletin e ri, Lumia 2520?

Së fundmi në internet ishte paraqitur tableti i ri i kompanisë Nokia, përkatësisht modeli Lumia 2520, i cili ishte në ngjyrë të kaltërt.

Ndërsa tani ka rrjedhur edhe një pamje e modelit të njëjtë të tabletit të Nokia-së, veçse ky model është në ngjyrë të kuqe, që do të thotë se Nokia është duke e ndjekur strategjinë e njëjtë të pajisjeve të saj mobile – personalizimin e pajisjeve për t’iu përshtatur sa më mirë preferencave të ndryshme të përdoruesve të saj.

Njoftimi zyrtar i tabletit të ri të Nokia’së i cili do të bazohet në Windows RT pritet të bëhet shumë shpejtë, prandaj pamje të ngjashme të tabletit me ngjyra mund të kemi edhe në ditët në vijim.

Prezantimi zyrtar i tabletit të Nokia-së planifikohet të bëhet në ditën e njëjtë kur Apple do ta prezantojë gjeneratën e re të tabletit të saj, iPad, dhe kjo datë i bie të jetë 22 tetor. / Telegrafi /