NOA, institucioni financiar me 25 vite eksperiencë në tregun shqiptar tashmë edhe në Prishtinë – Kosovë

Më shumë mundësi financimi për qytetarët dhe bizneset lokale.

NOA është një institucion financiar jo banker, me një eksperiencë 25 vjeçare në tregun Shqiptar.

Fokusi kryesor i NOA-s është rritja e përfshirjes financiare duke impaktuar në këtë mënyrë rritjen e ekonomisë lokale dhe përmirësimin e kushteve të jetesës të individëve, ndërmarrjeve të vogla e të mesme apo fermerëve.

Qëllimi kryesor i NOA-s, është të ndihmojë ndërmarrjet e vogla të krijojnë dhe zhvillojnë ditë pas dite sipërmarrje të qëndrueshme, të cilat punësojnë më shumë njerëz dhe ndikojnë pozitivisht në komunitetin lokal.
Nga ana tjetër NOA i mundëson qytetarëve të kenë akses më të shpejtë dhe lehtë në shërbimet financiare, të shoqëruar sigurisht me shërbime këshillimi.

Për ta shtrirë më tej misionin e NOA-s për një #FinancëNjerëzore, duke filluar nga muaji Qershor të gjitha shërbimet financiare që NOA ofron do të jenë të qasshme edhe në Kryeqytetin e Kosovës, në Prishtinë, në qytezën Pejton, një prej lagjeve më historike të qytetit.

Ky zgjerim i NOA-s në Kosovë do t’ju mundësojë individëve dhe sipërmarrësve të cilët kanë pasur akses të limituar në shërbimet financiare, të financohen shpejt dhe lehtë kurdo dhe kudo ata janë.