Njihuni me Antony Ressler – njeriun që dëshiron ta blejë Chelsean

Pronari i ekipit të NBA-së, Atlanta Hawks, ka dalë si një nga figurat më të fundit për të blerë Chelsean.

Blutë u hodhën në treg nga Roman Abramovich në fillim të këtij muaji dhe një numër kërkuesish raportohet të jenë të interesuar për klubin me vlerë 3 miliardë euro.

Oligarku mori sanksione nga qeveria e Mbretërisë së Bashkuar pas pushtimit rus të Ukrainës dhe mes kësaj, ai e nxori klubin në shitje në një përpjekje për t’i dhënë fund epokës së tij 19-vjeçar.

Lexo po ashtu Qeveria e Mbretërisë së Bashkuar jep 'dritën e gjelbër' për shitjen e Chelseat

Dhe një nga pretendentët kryesorë është Antony Ressler, një manjat 61-vjeçar që zotëron Atlanta Hawks.

The Sun raporton se manjati – me një pasuri të konsiderueshme 4.5 miliardë euro – ka pasur bisedime në Memphis me bankën e investimeve Raine Group, e cila po mbikëqyr shitjen.

Një burim i tha mediumit anglez: “Tony është i prirur të shtojë një ekip britanik të futbollit në listën e tij sportive dhe nuk e ka fshehur këtë, por është i përgatitur të bëjë një pazar të vështirë në negociata. Thënë kështu, ka disa lojtarë të tjerë të përfshirë”.

Ressler, i cili bleu skuadrën në vitin 2015, bashkëthemeloi firmën e kapitalit privat Ares Management, por është degëzuar në sport, me 115 milionë euro investim në klubin amerikan të futbollit të David Beckham, Inter Miami – një lëvizje e organizuar edhe përmes Raine Group.

Ai gjithashtu supozohet të jetë një shpenzues i madh kur bëhet fjalë për klubin e tij Atlanta Hawks. Ka qenë i gatshëm të shpenzojë para për t’i parë ata të bëhen një nga më të mirët në NBA.

Po ashtu realizoi rinovimin e State Farm Arena, ndërsa ndërtoi një objekt stërvitës më moderne në botë.

Lexo po ashtu Do të largohet logoja e “Three UK” – Chelsea planifikon diçka edhe më të madhe

Në të vërtetë historikisht, Atlanta nuk ka qenë një ekip që lojtarët më të mirë do të tentojnë të shkojnë, me pronarët e tyre të mëparshëm që nuk kanë ambicie të përgjithshme për të pasur sukses si ai – por Ressler ka ofruar jetë të re.

Raportohet se raundi i parë i ofertave për Chelsea pritet të jetë në fillim të javës që po vije. /Telegrafi/