Njeriu që qëndron prapa “zbardhuesit që shëron COVID-19” pretendon se Donald Trump konsumoi produktin e tij

Një burrë që ka pretenduar se është një udhëheqës i një kishe dhe që “reklamonte” zbardhuesin industrial si një “kurë mrekulli” për Covid-19 po pretendon se ai ia dërgoi ish-presidentit Donald Trump produktin në Shtëpinë e Bardhë pak para se ish-presidenti të bënte deklaratat e tij famëkeqe për përdorimin e “dezinfektuesit” për të trajtuar sëmundjen.

Sipas mediave të huaja, përcjell Telegrafi, Mark Grenon, i vetëquajtur “kryepeshkop” i “kishës” Genesis II, ka dhënë një intervistë nga qelia e tij e burgut në Kolumbi ndërsa ai pret ekstradimin në SHBA për t’u përballur me akuza penale se ai shiti me mashtrim zbardhues si një kurë kundër Covid-19.

Siç vë në pah The Guardian, në intervistë, ai në mënyrë efektive paraqet veten si burim i fiksimit të Trump me fuqitë shëruese të dezinfektuesit.

“Ne ishim në gjendje të dërgonim atë përmes një kontakti me familjen e Trump…”, ka thënë ndër tjerash Grenon.

Ndryshe, komentet e Trump në lidhje me dezinfektuesin, të bëra në Shtëpinë e Bardhë më 23 prill të 2020 ndërsa coronavirusi po shpërndahej nëpër SHBA, bënë jehonë në të gjithë botën.

Ato shkaktuan habi në qarqet shkencore, provokuan përqeshje të përhapura dhe kanë simbolizuar “përgjigjen e fortë” të administratës Trump ndaj pandemisë.

Sidoqoftë, pse Trump papritmas përqafoi atë si një trajtim i mundshëm kundër Covid-19 ka mbetur një nga misteret e presidencës së tij.

Dhe tani Grenon pretendon se ishte produkti i tij, i tregtuar si Miracle Mineral Solution ose “MMS”, që qëndronte pas tij.

The Guardian vë në pah se ka kërkuar nga zyra e Trump të sqaronte nëse ai kishte marrë dhe kishte pirë zbardhues “MMS” ndërsa ishte në Shtëpinë e Bardhë, por nuk mori asnjë përgjigje të menjëhershme, përcjell Telegrafi.

Grenon bëri pretendimin e tij se ai e furnizoi Trump me zgjidhje zbardhuese për Zakariya Adeel, një astrolog dhe psikik me qendër në Londër. Intervista u bë me sa duket përmes një linje telefonike burgu.

Administrata Amerikane e Ushqimit dhe Barnave e ka bërë të qartë se pirja e MMS është e njëjtë me pirjen e zbardhuesve.

Ajo paralajmëron që konsumimi mund të shkaktojë të vjella të rënda, diarre dhe presion të ulët të gjakut që mund të jenë kërcënuese për jetën.

FDA përshkruan MMS si një “zbardhues të fuqishëm që përdoret zakonisht për trajtimin industrial të ujit ose zbardhjen e tekstileve dhe letrës”.

Në një video, Grenon përsërit pretendimet e rreme se tretësira e dioksidit të klorit shëron Covid-19.

“Ne e provuam atë me Covid – gjashtë pika çdo dy orë për ditën e parë dhe të dytë. Bum! Iku, negativ…”, thotë ai. /Telegrafi/