Ylli shqiptar me famë ndërkombëtare, Rita Ora po vazhdon promovimin e Kosovës në botë.
Artistja përmend vazhdimisht me shumë krenari prejardhjen e saj dhe këtë e ka bërë edhe së fundmi.
Rita prej kohësh është pjesë e jurisë së "The Voice Australia", ku në episodin e ri pati një moment të veçantë.
Foto: Screenshot/YouTube
Në mesin e konkurrentëve pjesëmarrësve ishte edhe një tjetër talente me prejardhje shqiptare, Sihana Haxhnikaj.
16-vjeçarja mahniti jurinë teksa performoi këngën "Nothing Breaks Like a Heart" të Miley Cyrus.
Foto: Screenshot/YouTube
Por, vëmendjen mori momenti kur Rita e kuptoi se ajo ka origjinë shqiptare dhe e përshëndeti në gjuhën shqipe.
"Më fal si e kishe emrin, se emri më tingëllon shumë familjar, nga ishe?", e pyeti Rita fillimisht.
Kur konkurrentja tha se është nga Kosova, ylli i muzikës e entuziazmuar u shpreh se edhe ajo është nga i njëjti vend.
"Nga atje jam edhe unë, nuk ka mundësi, je rritur këtu, o zemër si jeni, mirëmbrëma", ka thënë Rita në shqip.
Foto: Screenshot/YouTube
Autorja e "You & I" e komplimentoi garuesen për performancën duke i thënë me shaka që të mos brengosej se e 'ka atë në juri'.
"Atje nga jam unë nuk ka shumë, prandaj ne jemi të gjithë si familje disi, kur e shoh dikë i thua menjëherë përshëndetje kushërirë, andaj edhe kjo është si kushërirë për mua", u shpreh artistja duke shkuar në fund për t'i dhuruar një përqafim dhe për të përshëndetur edhe familjen e konkurrentes në prapaskenë. /Telegrafi/
