Në një dekadë që do të mbahet mend gjatë në histori, Lindja e Mesme pësoi ndryshime të mëdha midis 2010 dhe 2019.
Nga ëndrrat e pranverës arabe deri tek tmerret e dimrit arab; nga ngritja e lëvizjeve të shoqërisë civile deri në shfaqjen e grupeve të reja ekstremiste dhe madje edhe diktatorët më brutal, ngjarjet e dekadës së kaluar kanë ndryshuar përgjithmonë politikën dhe shoqërinë e rajonit, transmeton Telegrafi.
Për të përshkruar ngjarjet në fjalë, janë publikuar 20 nga fotografitë më ikonike dhe simbolike që u shfaqen sidomos nga rajoni në dekadën e kaluar.
Trupi i pajetë i Aylan Kurdit shtrihet në brigjet në Bodrum, në jug të Turqisë, më 2 shtator 2015, pasi një anije që transportonte refugjatë u mbyt ndërsa arriti në ishullin grek Kos.
Shtëpia e Bouthaina al-Rimi në Sanaa Jemen u bombardua nga koalicioni i udhëhequr nga Sauditët në 25 gusht 2017. Shpërthimi vrau prindërit e saj dhe gjashtë motrat. Pas shpëtimit të saj, ajo u fotografua duke provuar të hapte njërin nga sytë e saj të fryrë dhe të mavijosur për të parë se çfarë po ndodhte.
Fëmija 5-vjeçar i plagosur, Omran Daqneesh, ulet i vetëm në pjesën e prapme të ambulancës, pasi u plagos gjatë sulmit ajror të forcave të regjimit rus ose Asad, duke synuar lagjen Qaterji të Alepos, më 17 gusht 2016.
Amal Hussain, një vajzë shtatë vjeçare, imazhi i së cilës në New York Times solli vëmendje të re për mijëra fëmijë që vuanin pasojat e tmerrshme të luftës shkatërruese të Jemenit, vdiq në nëntor 2018.
Një refugjat sirian puth vajzën e tij ndërsa po shëtiste drejt kufirit të Greqisë me Maqedoninë më 10 shtator 2015.
Refugjati sirian Laith Majid shpërtheu në lot ndërsa me djalin dhe vajzën e tij arritën rreth orës 4:30 të mëngjesit në një plazh në Kos, Greqi më 16 gusht 2015.
I rrahur dhe pa sy, 16-vjeçari palestinez Fawzi al-Junidi mund të shihet i rrethuar nga 23 ushtarë izraelitë në arrestimin e tij më 7 dhjetor 2017.
Mohamed Mohiedin Anis, ose Abu Omar, 70-vjeç, pi duhanin ndërsa ai ulet në dhomën e tij të gjumit të shkatërruar duke dëgjuar muzikë në lagjen al-Shaar të Aleonit, në mars të vitit 2017.
Aktivistët sirianë nxorën vogëlushen Ghina Bassam, e cila u varros nën rrënoja. Ajo u nxor e gjallë nga shpëtimtarët në Alepo, të cilët gërmuan furishëm me duart e tyre, pasi dëgjuan klithmat e saj në janar 2014.
Një burrë vrapon nga një ndërtesë në rënie në Raqqa në prill, 2018.
Dy djem të mbuluar nga pluhuri, të pikëlluar të ulur në një shtrat spitali të shkatërruar shihen duke u përqafuar pasi mbijetuan nga një sulm me bomba në gusht 2016.
Me ndihmën e nënës së saj, shtatë vjeçarja Bana al-Abed postoi një shkrim në Twitter, shkrim mjaft zemërthyer në anglisht për jetën në rrethet lindore të Alepos së Sirisë më 10 tetor 2016.
Protestuesit egjiptianë kundër qeverisë u mblodhën në Sheshin Tahrir të Kajros më 6 shkurt 2011 duke kërkuar rrëzimin e Presidentit Hosni Mubarak.
Presidenti turk Rexhep Tajip Erdogan flet në CNNTurk përmes një thirrje në Facetime në orët e para të mëngjesit të 16 korrikut 2016 në Stamboll, Turqi, pas një përpjekje për rrëzimin e qeverisë.
Një video propagandistike e publikuar nga kanali mediatik IS, al-Furqan tregon ish-drejtuesin e grupit xhihadist, Abu Bakr al-Bagdadi, duke iu drejtuar një turme në xhaminë al-Nuri në ish-qytetin e fortifikuar të Irakut në Mosul më 4 korrik.
Forcat irakene ngrenë flamurin e fitores pasi të tjerët mbajnë me kokë poshtë flamurin e zi të grupit IS, jashtë Xhamisë së shkatërruar Al-Nuri në qytetin e vjetër të Mosulit, më 30 qershor 2017.
Ambasadori rus në Ankara Andrei Karlov shtrihet i vdekur në dysheme pasi u qëllua nga Mevlut Mert Altintas gjatë një sulmi në një ngjarje publike në Ankara më 19 dhjetor 2016.
Presidenti amerikan Donald Trump, mbreti i Arabisë Saudite, Salman bin Abdulaziz al-Saud, si dhe presidenti egjiptian Abdel Fattah el-Sisi vendosën duart e tyre në një glob të ndriçuar gjatë ceremonisë së inaugurimit të Qendrës Globale për Luftimin e Ideologjisë ekstremiste në Riad, Arabia Saudite më 21 maj, 2017.
Salem Saoody fotografoi babain dhe dy fëmijët e tij që po argëtoheshin duke bërë dush në Gazan e shkatërruar plotësisht nga forcat izraelite në vitin 2015.
Një grua e re e veshur në të bardhë, duke qëndruar në majë të një makine me dorën e saj dhe një gisht të ngritur si qortim ndërsa ajo iu drejtua protestuesve në një demonstratë Khartoum. /Telegrafi/
