Një anije që transportonte rreth 3,000 makina për në Meksikë është braktisur në mes të Oqeanit Paqësor pasi u përfshi nga flakët.
Sipas mediave të huaja, përcjell Telegrafi, tymi u pa për herë të parë nga një kuvertë që mbante disa nga 800 automjetet elektrike në bord, ka thënë kompania menaxhuese e anijes Zodiac Maritime në një deklaratë.
Sipas saj, ekuipazhi nisi procedurat e shuarjes së zjarrit, por flakët nuk mund të viheshin nën kontroll.
Roja Bregdetare e SHBA-së evakuoi të gjithë 22 anëtarët e ekuipazhit nga Morning Midas, duke i transferuar ata në një anije tregtare aty pranë.
Ekipet e ndihmës po vendoseshin për të mbështetur operacionet e shpëtimit dhe shuarjes së zjarrit, tha Zodiac.
Në vitet e fundit ka pasur një numër, edhe pse të vogël zjarresh, që përfshijnë anije që transportojnë automjete elektrike, duke shkaktuar shqetësime se bateritë brenda këtyre makinave mund të kapin dritë dhe të çojnë në fatkeqësi të mëdha.
Në vitin 2022, një anije që transportonte rreth 4,000 automjete u përfshi nga flakët në Atlantik dhe përfundoi duke u fundosur pavarësisht përpjekjeve për ta tërhequr atë drejt një vendi të sigurt. /Telegrafi/
