Bordi Përzgjedhës caktoi anëtarët e Komisionit të Jashtëm të Vlerësimit, duke i hapur kështu rrugën vetingut në Polici, Gardë dhe SHÇBA. Të parët që do të dalin para komisioneve për t’u përballur me rivlerësimin në tre kritere, atë të pasurisë, pastërtisë së figurës dhe aftësive profesionale janë nivelet e larta drejtuese në tre institucionet e mësipërme. Bazuar në njoftimin e Ministrisë së Brendshme, janë rreth 300 drejtues në Polici, Gardë e SHÇBA që do t’i nënshtrohen të parët kontrollit të trefishtë, i ngjashëm me kontrollin për gjyqtarët dhe prokurorët.
Ndërkohë, anëtarët e përzgjedhur për të qenë pjesë e Komisionit të Jashtëm të Vlerësimit, janë Ana Kapaj, Artur Baku, Marjeta Gjelaj, Sonila Kadareja dhe Viktor Bërdo. Nga Universiteti i Tiranës janë përzgjedhur Ela Kërka, Elda Kuka (Balili), Elida Liko, Ledian Rusta dhe Mirela Ujkani (Miti). Ndërsa inspektorët e zgjedhur nga ILDKPKI janë Elvira Dabërdaku, Adriana Meko, Zamira Gjini, Alban Laska dhe Besnik Hodo.
Referuar ligjit për vetingun në Polici, parashikohet se hetimi për drejtuesit më të lartë të Policisë, Gardës dhe SHÇBAsë do të kryhet nga Komisioni i Jashtëm i Vlerësimit. Trupa gjykuese e këtij Komisioni do të përbëhet nga 3 anëtarë të përzgjedhur me short. “Komisioni i Jashtëm i Vlerësimit vlerëson punonjësit në pozicionet ose me gradat e mëposhtme: drejtor dhe zëvendësdrejtor i përgjithshëm, drejtor departamenti, drejtor i Drejtorisë Qendrore, drejtor e zëvendësdrejtor vendor dhe shef komisariati, në Policinë e Shtetit; komandant e zëvendëskomandant, si dhe çdo oficer me gradë major, nënkolonel dhe kolonel në Gardën e Republikës; drejtor dhe zëvendësdrejtor i përgjithshëm, si dhe drejtor e shef sektori në Shërbimin për Çështjet e Brendshme dhe Ankesat”, shkruhet në ligj.
Në ligj parashikohet se anëtarët e Komisionit të zgjedhur nga ILDKPKI, duhet të jenë patjetër Inspektorë, ndërsa 6 nga kandidatët për anëtarë të Komisionit të Jashtëm të Vlerësimit, të cilët propozohen nga Rektori i Universitetit të Tiranës, duhet të jenë pedagogë nga Fakulteti i Drejtësisë dhe Fakulteti i Ekonomisë. SEKRETARIATI TEKNIK Bordi Përzgjedhës caktoi dje edhe 15 anëtarët e Sekretariatit Teknik që do të ushtrojë veprimtarinë e tij pranë Komisionit të Jashtëm të Vlerësimit.
Pas konkurrimit, Bordi përzgjodhi Amarildo Kurtin, Arta Lleshin, Eralda Bajollari, Erjena Bashari, Erlisa Shkodrani, Floris Muho, Gent Pejo, Gëzim Selmani, Ilva Mitro, Iva Guçe, Klevi Hajdini, Marjana Çela, Marjeta Përlala, Suela Pashaj dhe Laert Elmazaj. “Përzgjedhja e anëtarëve të Sekretariatit Teknik bëhet nga Bordi i Përzgjedhjes, me procedurë të hapur e transparente, në të njëjtën mënyrë me atë të përzgjedhjes së anëtarëve të Komisionit të Jashtëm të Vlerësimit”, parashikohet në ligj. Ndërsa, organizimi dhe funksionimi i Sekretariatit Teknik përcaktohet me vendim të Komisionit të Jashtëm të Vlerësimit. /Panorama/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Alarmi i Alicia Kearns për Ballkanin, politologët komentojnë deklaratën e deputetes britanike
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Hoxha: Peter Stano po e luan rolin e “kaubojit”
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit