Nga Spanja raportojnë se Ancelotti rrezikon shkarkimin, Zidane ka folur publikisht nëse do rikthehet te Real Madridi

Zinedine Zidane i ka bërë tashmë të qarta ndjenjat e tij për një rikthim të mundshëm në menaxhim mes sugjerimeve se ai mund të zëvendësojë Carlo Ancelottin në Real Madrid.

Francezi 52-vjeçar ka qenë pa punë që kur u largua nga posti i trajnerit të Los Blancos në vitin 2021.

Ishte periudha e tij e dytë në krye të gjigantëve spanjollë, për të cilët ai gjithashtu luajtigjatë karrierës së tij profesionale.

Gjatë dy periudhave të tij të veçanta në krye të skuadrës, Zidane fitoi dy tituj të La Ligës dhe Ligën e Kampionëve në tri sezone radhazi midis 2015/16 dhe 2017/18.

Ndërsa ai ka qenë i lidhur me disa role të larta drejtuese në vitet e fundit, duke përfshirë kombëtaren franceze dhe Manchester United, Zidane ka zgjedhur të qëndrojë larg futbollit.

Por kjo mund të vendoset të ndryshojë së shpejti. Mesfushori legjendar u pa në Bernabeu të martën mbrëma për humbjen 3-1 të Real Madridit ndaj Milanit në Ligën e Kampionëve.

Lexo po ashtu Mbappe 'thyen premtimin' - ka përplasje me Ancelottin, ekipi i ndarë në dy kampe

Ky rezultat ka rritur presionin ndaj Ancelottit, me Madridin tashmë nëntë pikë larg Barcelonës në La Liga dhe aktualisht në vendin e 17- të në tabelën e Ligës së Kampionëve.

Kjo nga ana tjetër ka çuar në sugjerime që Ancelotti, mund të shkarkohet, me gazetën spanjolle Relevo që raporton se puna e tij tani është nën kërcënim.

Këto raportime, me pjesëmarrjen e Zidane në ndeshje – kanë çuar natyrshëm në spekulime se francezi mund të rikthehet si trajner kryesor.

Zidane ka folur më parë për dëshirën e tij për t’u rikthyer në menaxhim në të ardhmen, por vetëm në një klub ku ai beson se mund të fitojë.

Duke folur për L’Equipe, Zidane kishte thënë: “Kur isha lojtar, mund të zgjidhja pothuajse çdo klub. Si trajner, nuk ka 50 klube ku mund të shkoj. Ka dy ose tri mundësi”.

“Nëse kthehem në një klub, është për të fituar. E them këtë me modesti. Kjo është arsyeja pse nuk mund të shkoj në çdo skuadër”.

Lexo po ashtu Henry shpjegon me mjeshtëri pse Real Madridi po vuan këtë sezon dhe kjo ka shumë kuptim

Ai shtoi: “Edhe për arsye të tjera, mund të mos mund të shkoj kudo. Cilat? Gjuha, për shembull. Disa kushte i bëjnë gjërat më të vështira.

“Kur njerëzit më thonë: ‘A dëshiron të shkosh në Manchester (United)?’ Unë e kuptoj anglishten, por nuk e zotëroj plotësisht, e di që ka trajnerë që shkojnë në klube pa e folur gjuhën, por unë punoj ndryshe”.

“Për të fituar, shumë elementë hyjnë në lojë. Është një kontekst global. Unë e di se çfarë më duhet për të fituar”, ka shtuar më tej ai.

Real Madridi do të përballet me Osasunën në La Liga të shtunën, ndërsa ndeshja e radhës e Ligës së Kampionëve do të jetë kundër Liverpoolit më 27 nëntor. /Telegrafi/